Хицауады Сæрдар Джуссойты Константин паддзахадон хорзæхтæ радта Экономикон рæзты министрады кусджытæн экономисты боны цытæн.
Республикæйы Кады грамотæтæ, Хицауады грамотæтæ, арфæйы гæххæттытæ, афтæ ма «Республикæ Хуссар Ирыстоны сгуыхт экономист»-ы кадджын ном Хицауады сæрдары къухтæй райстой Экономикон рæзты министрады æмæ йæ дæлведомствойон уагдæтты хуыздæр кусджытæ.
Куыд банысанчындæуыд, афтæмæй хицауадон хорзæхтæ сты уæлæмхас разæнгардгæнæн фæрæз æмæ республикæйы экономикæмæ сæ намысджын куыст æмæ хайбавæрд кæй хæссынц, уый æвдисæг.
Джуссойты Константин зæрдæбынæй раарфæ кодта æрæмбырдуæвджытæн, паддзахадон æмæ социалон-экономикон хæстæ скъуыддзаг кæныны экономикон фадыджы кусджыты архайды нысаниуæг. Загъта сын дарддæры æнтыстджын куысты фæндиæгтæ.
«Ис тынг бирæ алыгъуызон хæстæ, мах хъæуы уыдоны иумæ аскъуыддзаг кæнын. Сплангонд паддзахадон программæтæ сæххæст кæныны тыххæй хъæуы удуæлдайдзинад æмæ æнтыстджын куыст. Уымæ гæсгæ мах хъуамæ кусæм иумæ хорз фæсти-уæджы тыххæй», – банысан кодта Джуссойты Константин.
Æрæмбырдуæвджытæн ма раарфæ кодтой Экономикон рæзты министр Хъотайты Сæрмæт æмæ Хицауады сæрдары хæдивæг – Финансты министр Тадтаты Дзамболат.
