Цхинвалы майрæмбоны уагъд æрцыд Стыр Уæлахизыл 79 азы сæххæсты цытæн æфсæддон парады репетици.
Театралон фæзуаты цытджын маршы рацыдысты Хъахъхъæнынады, Мидхъуыддæгты, Уæлвæткон уавæрты министрадты, арæнгæрон службæйы, æдасдзинады паддзахадон службæйы, уæрæсейаг 4-æм гвардион æфсæддон базæйы парадон расчеттæ.
Парады репетицийыл командæ кодта РХИ-йы Гарзджын тыхты генштабы хистæры хæдивæг, булкъон Гæбæраты Гамлет.
«Тренировкæтæ уагъд цæуынц апрелæй, æфсæддонтæ зынгæ фæхуыздæр кодтой сæ цæттæдзинад» – банысан кодта уый.
Гæбæраты Гамлет ма фехъусын кодта, зæгъгæ, 7-æм майы уагъд æрцæудзæн Уæлахизы парады генералон репетици æфсæддон техникæйы хайадистæй.