Не ‘мзæххон Джуссойты Альбертимæ ма Хуссар Ирыстонмæ, сæ Райгуырæн Ирыстонмæ æрцыдысты Сæрмагонд æфсæддон операцийы хайадисджытæ. Уыдон дæр сæ уæрæсейаг æфсымæртимæ хъахъхъæнынц нæ иумæйаг истори æмæ æргъадтæ, нæ традицитæ æмæ нæ сомбоны фæлтæртæн рухс фидæн.
Гаглойты Алан бузныджы ныхæстæ загъта хæстон лæппутæн сæ архайд æмæ хъæбатырдзинады тыххæй.
«Абон истори уынын кæны, Ирыстоны хъайтартæм Райгуырæн бæстæ куы бадзуры, уæд иумæ æнгомæй бырсæг знаджы ныхмæ тохы кæй слæууынц.
Абон ирон хъæбатыр лæппутæ Донбассы зæххыл æвдисынц хъæбатырдзинад æмæ сты цæвиттойнаг нæ кæстæртæн», – банысан кодта Президент.
Дарддæр бæстæйы сæргълæууæг йæ барамындæй Кады Орденæй схорзæхджын кодта Хуссар Ирыстоны раздæры Хицауады Сæрдар Юри Морозовы.
Паддзахадон бæрзонд æфсæддон хорзæх – Орден Уацамонгæйæ хорзæхджын æрцыд Уæрæсейы хъайтар Абайты Юри. Уымæн ма бæстæйы сæргълæууæг балæвар кодта сæрмагонд хæцæнгарз.
Президент куыд банысан кодта, уымæ гæсгæ Абайты лæппу æгас дунейыл æрмæст йæ мыггаджы хорзы ном нæ ахъæр кодта, фæлæ æгас Ирыстоны.
Батальон «Алания»-йы штабы къухдариуæггæнæг Остъаты Руслан («Скиф») та хорзæзджын æрцыд «Фыдыбæстæ хъахъхъæнæджы» майданæй. Майдантæ ма бæстæйы сæргълæуæджы къухæй райстой Остъаты Уырызмæг æмæ Павел, Коцты Важа, Дзгъойты Станислав æмæ Ашот Цатурян.
Сæрмагонд æфсæддон операцийы хайадисджытæн Президенты цæст бауарзта, æввахс рæстæджы сæрæгас æмæ уæлахизимæ æрыздæхын сæ бинонтæм.
Бузныг загъта алы хæстонæн дæр сæ уæззау службæйы тыххæй.
Уæрæсейаг инвестортæ ссардтой Фыдыбæстæ хъахъхъæнджыты нæмттæ
Уæрæсейаг инвесторты делегаци Джуссойты Альберты сæргълæудæй Хицауады Сæрдар Джуссойты Константинимæ иумæ дидинджытæ номарынæн сæвæрдтой мемориалон комплексы Фыдыбæстæ хъахъхъæнджыты цырты раз.
Нæ уацх.
