Æрæджы ансамбль «Барс» Республикæ Хуссар Ирыстоны адæмон артист Санахъоты Иналы разамындæй хайад райста Санкт-Петербургы уагъдцæуæг Хореографион коллективты дунеон фестиваль-конкурс «В ритме северной столицы»-йы æмæ сæхи равдыстой иттæг хорз. Уый тыххæй нын фехъусын кодтой нæ республикæйы культурæйы министрады пресс-службæйы.
«Нæ ансамбль Уæрæсейы цæгаттаг столицæйы хореографион коллективты дунеон конкурсы тынг хорз равдыстой сæ хореографион номыртæ æмæ райстой Гран-при. Ацы цины хъуыддаг у нæ культурæйы радон æнтыст, хуссарирыстойнаг сфæлдыстадон коллективы ног триумф. Сæйраг призæй дарддæр ма нæ фæсивæд хорзæхджын æрцыдысты фыццаг къæпхæны дипломтæй «Адæмон кафты» номинацийы æмæ сын арфæ кæнæм», – банысан кодтой министрады пресс-службæйы.
Нæ уацх.
