Цхинвалы районы культурæйы хайады дæлбаруæвæг ансамбль «Барс» ацы бонты хайад исы Санкт-Петербурджы уагъдцæуæг хореографион коллективты Дунеон конкурс «В ритме северной столицы»-йы. Уый тыххæй нын фехъусын кодтой нæ республикæйы Культурæйы министрады пресс-службæйы.
Ансамбль «Барс» арæх райсы хайад ахæм æнгæс сфæлдыстадон мадзæлтты æмæ райсынц аккаг хорзæхтæ. Ацы хореографион коллективы къухдариуæггæнæг у Хуссар Ирыстоны адæмон артист Санахъоты Инал.
«Уæрæсейы цæгаттаг столицæйы уæлдæрбанысангонд конкурсы хайад исынц фæндзай хореографион коллективы æндæр æмæ æндæр регионтæй. Хуссарирыстойнаг ансамбль конкурсы сæ арæхстдзинад равдисдзысты дыууæ номинацийы: «адæмон кафт» æмæ «кавказаг кафт»-ы.
10-æм апрелы ансамбль «Барс» конкурсы уæрæсейаг сценæмæкæсджыты тæрхонмæ рахæсдзысты «Симд», «Хонгæ кафт» æмæ «Хæххон кафт». Жюрийы уæнгты тæрхоны фæстæ хуыздæр коллективтæн уыдзæн кæронбæттæнон Гала-концерт», – банысан кодтой пресс-службæйы.
