Президент Гаглойты Алан раарфæ кодта Республикæ Цæгат Ирыс-тон-Аланийы истори æмæ археологийы институты директор, историон зонæдты доктор, профессор Бзарты Русланæн йæ райгуырдыл 65 азы сæххæсты цытæн.
Арфæйы телы дзырдæуы:
«Цытджын Руслан Сулейманы фырт!
Арфæ дын кæнын дæ райгуырæн боныл 65 азы сæххæсты цытæн! Дæ юбилей нысан кæныс зынгæ æнтыстытимæ. Дæ куыстытæ, здæхт сты Аланийы историон хъысмæттæ иртасынимæ, бацыдысты зонады сызгъæрин фондмæ. Зонадон-педагогон архайды дæ лæггæдтæн аккаг аргъ скодтой; дæ фыст чингуытæ ног фæлтæртæн гом кæнынц фыдыбæстæйон истори-йы фæрстæ.
Дæ активон æмбæстагон позицийæ, æхсæнадон-политикон архайд æмæ Фыдыбæстæйæн æнувыддзинадæй ды бахастай саргъгæнæн кæ-мæн нæй, ахæм хайбавæрд Аланийы Хуссары сæндидзыд паддзахаддзинады арæзтмæ æмæ бахъахъхъæнынмæ, национ традициты стыр æргъадтыл дæ æнувыддзинад иу кæны ивгъуыд рæстæг нырыккон дугимæ æмæ уый фæрцы рæзы бæстæйы интеллектуалон культурæйы хъæздыгдзинад.
Бар мын радт, æмæ дын ацы бон зæгъон стыр бузныг дæ куыстыты тыххæй. Мæ зæрдæ дын зæгъы ног стыр æнтыстытæ. Уырны мæ, дæ ахуыргонды авторитет, иртасæджы энциклопедион зонындзинæдтæ æмæ курдиат, райгуырæн бæстæйæн æмæ адæмæн æрхæсдзысты максималон пайда.
Цытджын Руслан Сулейманы фырт, мæ зæрдæ дын зæгъы фидар æнæниздзинад, сфæлдыстадон тыхтæ æмæ ног æнтыстытæ, æвидигæ энерги, амонд æмæ фæрныгад. Уадз, æмæ дæ алыварсон архайд æмæ зонадон куыстытæ уæнт æнтыстджын æмæ бирæ азты лæггад кæнæнт Фыдыбæстæйы хæрзиуæгæн».
