АРФÆТÆ СТЫР УÆЛАХИЗЫ 73 АЗЫ ЦЫТÆН

Цытджын æмбæстæгтæ!

Цытджын ветерантæ!

Арфæ уын кæнын Уæлахизы боны цытæн!

Ацы стыр Уæлахиз къухы бафтыд æвирхъау знаджы фашизмы, тоталитарон идеологи ныссæттыны руаджы. Æмæ абон,1945 азы 9 майы бонæй 73 азы фæстæ, мах фидарæй зонæм, ацы бæрæгбоны нысаниуæг рæстæг кæй не ‘рныллæг кæндзæн.

Уæлахиз æрхастой фронтовикты æмæ фæсчъылдымы фæллойгæнджыты, æппæт советон адæмы фидар удыхъæд, хъæбатырдзинад æмæ удуæлдайдзинад. Уæлахиз стыр аргъæй бафтыд къухы.  Советон хæстонтæй милуантæ фæмардсты хъæбатырæй.

Уæлахизы тыххæй сæхиуыл нæ ауæрстой Ирыстоны хуссар æмæ цæгат хæйтты хæстонтæ. Хæстæй нал æрыздæхтысты 63500 адæймаджы.

Стыр Фыдыбæстæйон хæсты чи фæуæлахиз, уыдон цæрæнбонтæм баззайдзысты адæймагады историйы, куыд талынг тыхтыл уæлахиз, афтæ. Стыр Фыдыбæстæйон хæсты хæстонты хъæбатырдзинад фидæны æппæт фæлтæртæн ссис æхсардзинады  æмæ Райгуырæн бæстæмæ æгæрон уарзты цæвиттон.

Цытджын æмбæстæгтæ!

Арфæ уын кæнын Уæлахизы боны цытæн! Уадз, алы хатт дæр нæ Райгуырæн бæстæйы сæрмæ уæт цъæх арв! Уадз, азæй азмæ нæ хæдзæртты фылдæрæй фылдæр кæнæд хæрзиуджытæ æмæ хъæлдзæгдзинад, фидар кæнæд сомбоныл æууæнкдзинад.

Зынаргъ фронтовиктæ æмæ фæсчъылдымы фæллойгæнджытæ!

Ацы стыр бæрæгбон у фыццаджы фыццаг уæ бæрæгбон, сымах æрхæсгæ Уæлахизы бæрæгбон! Республикæйы æппæт адæмы номæй уын мæ зæрдæ зæгъы фидар æнæниздзинад, дæргъвæтин æмæ амондджын цæрæнбонтæ уæ сывæллæттимæ, уыдоны зæнæг æмæ сæ зæнæджы зæнæгимæ!

Республикæ Хуссар Ирыстоны

Президент Бибылты Анатоли

 

 

Уæрæсейы Федерацийы Президент Владимир Путинæн

Цытджын Владимир Владимиры фырт!

Арфæ дын кæнын Стыр Фыдыбæстæйон хæсты Уæлахизы боныл 73 азы сæххæсты цытæн.

Цасфæнды азтæ ма рацæуой, цасфæнды дугтæ æмæ фæлтæртæ ма раивой, уæддæр 9 май махæн уыдзæн иууыл сæйрагдæр, уаздæр бæрæгбон. Кæддæриддæр нæ зæрдыл лæудзæн, фашизмæн сæрсæфæн цæф чи фæкодта,  нæ уыцы адæмты хъæбатырдзинад æмæ æхсар. Мах цыт кæнæм, тохы быдырæй чи нал æрыздæхт, нæ уыцы хъæбатыртæн, нæ рох кæнæм, фæсчъылдым йæ тугвæллойæ Уæлахиз чи арæзта, уыцы фæллойгæнджыты хъæбатырдзинад дæр.

Уырны мæ, Хуссар Ирыстон æмæ Уæрæсейы ‘хсæн хæларадон ахастытæ, кæцытæ бирæ хæттыты æрцыдысты бæлвырдгонд, Стыр Фыдыбæстæйон хæсты быдырты, бындур уыдзысты нæ бæстæты ‘хсæн ахастытæ дарддæр фидардæр кæнынæн.

Ацы нысаниуæгджын бон дæуæн, цытджын Владимир Владимиры фырт, æмæ Уæрæсейы æппæт адæмæн мæ зæрдæ зæгъы сабыр арвы бын цæрын, фæрныгад æмæ æппæт хæрзиуджытæ».

Республикæ Хуссар Ирыстоны Президент Бибылты Анатоли

 

***

 

Уæрæсейы Федерацийы Хицауады Сæрдар Дмитри Медведевæн

Цытджын Дмитри Анатолийы фырт!

Айс мын мæ зæрдиаг æмæ хъарм арфæтæ, Стыр Фыдыбæстæйон хæсты советон адæмы Уæлахизыл 73 азы сæххæсты боны цытæн.

Уæлахизы бон нæ зæрдæтæм бацыд, зæххыл сабырдзинад чи бахъахъхъæдта, нæ уыцы адæмы хæбатырдзинады æмæ æгæрон æхсары символæй. Фашизм ныддæрæн кæнгæйæ, нæ фыдтæ æмæ дадатæ фидæны фæлтæртæн балæвар кодтой цæрын æмæ сывæллæтты хъомыл кæныны, кусын æмæ сæрибарæй размæ цæуыны фадат.

Уырны мæ, дарддæр дæр нæ иумиаг тыхтæ здæхт  уыдзысты Хуссар Ирыстон æмæ Уæрæсейы Федерацийы ‘хсæн стратегион партнерондзинад фидар кæнынмæ нæ адæмты дидинæфтыды, сабырдзинад, стабилондзинад æмæ прогрессы тыххæй.

Фæнды мæ дæуæн, цытджын Дмитри Анатолийы фырт, сабырдзинад, фидар æнæниздзинад, амонд æмæ æнтыстытæ дæ паддзахадон архайды, Уæрæсейы æфсымæрон адæмæн та – сабырад æмæ хæрзиуджытæ.

Республикæ Хуссар Ирыстоны

Президент Бибылты Анатоли

 

 

***

Республикæ Цæгат Ирыстон-Аланийы Сæргълæууæг Битарты Вячеславæн.

Цытджын Вячеслав Зелимханы фырт .

Айс мын мæ иууыл зæрдæбындæр арфæтæ Стыр Уæлахизы цытæн.

Уæлахизы бон у, æппæт постсоветон тыгъдадæн уаз бæрæгбон, кæцы æнгом кæны не ‘ппæты дæр. Уыцы бон мах уæлдай тынгдæр æнкъарæм нæ адæмы хъæбатырдзинад æмæ стырдзинад, нæ зæрдыл æрбалæууынц, сæ цард сæрибары сæраппонд чи радта, уыдоны рухс нæмттæ æмæ кад кæнæм ветерантæ-уæлахиз-дзаутæн. Мах сæрыстыр стæм, фашизмæй нæ чи фервæзын кодта, уыцы фыдты æмæ дадаты сгуыхтдзинæдтæй.

Ацы нысаниуæгджын бæрæгбоны, цытджын Вячеслав Зелимханы фырт, дæуæн æмæ Цæгат Ирыстоны æппæт ветерантæн æмæ цæрджытæн мæ цæст уарзы æнæниздзинад, фæрныгад, сомбоны æууæндындзинад æмæ фидæны рухс ныфсытæ».

Республикæ Хуссар Ирыстоны

Президент Бибылты Анатоли

 

***

РХИ-йы Президент Бибылты Анатоли Стыр Уæлахизыл 73 азы сæххæсты боны цытæн ма арфæйы фыстæджытæ арвыста УФ Федералон Æмбырды Федерацийы Советы Сæрдар Валентина Матвиенкомæ, Уæрæсейы Федерацийы Паддзахадон Думайы Сæрдар Вячеслав Володинмæ, Мæскуыйаг æмæ æппæт Уæрæсейы Патриарх Кириллмæ, УФ Фæсарæйнаг хъуыддæгты министр Сергей Лавровмæ, УФ Æдасдзинады Советы нымæрдар Николай Патрушевмæ, йæ хæдивæг Рашид Нургалиевмæ, Республикæ Абхазы Президент Рауль Хаджимбамæ, Республикæ Арцахы Президент Бако Саакянмæ, Приднестроваг Молдаваг Республикæйы Президент Вадим Красносельскимæ, Сербаг Республикæйы Президент Милорд Додикмæ æмæ Сербаг Патриарх Иринеймæ, Владимиры областы губернатор Светлана Орловамæ, Республикæ Дагъыстаны Сæргълæууæг Владимир Васильевмæ, Республикæ Мæхъæлы Сæргълæууæг Юнус-Бек Евкуровмæ, Кæсæг-Балхъарты Республикæйы Сæргълæууæг Юри Коковмæ, Хъæрæсе-Черкесты Республикæйы сæргълæууæг Рашид Темрезовмæ, Цæцæнты Республикæйы Сæргълæууæг Рамзан Кадыровмæ, Гом акционерон æхсæнад «БТК групп»-ы президент Боллоты Таймуразмæ.

 

РЕСПУБЛИКÆ ХУССАР ИРЫСТОНЫ ЦÆРДЖЫТÆН

Республикæ Хуссар Ирыстоны зынаргъ æмбæстæгтæ, Стыр Фыдыбæстон хæсты ветерантæ, фæсчъылдымы фæллойгæн-джытæ!

Республикæ Хуссар Ирыстоны Хицауады æмæ сæрмагондæй мæхи номæй уын арфæ кæнын Стыр Уæлахизыл 73 азы сæххæсты боны цытæн!

Уалахизы бон алкæмæндæр у, 1945 азы фронты æмæ фæсчъылдымы Уæлахизы май чи æввахс кодта, уыдоны нæмттæ мысыны, кад сын кæныны бон, кæцытæ æнæхъæн дунейæн фенын кодтой æнæбафæзмгæ хъæбатырдзинад æмæ советон адæмы уды æнæбасæтгæ тых.

Ацы бæрæгбон иу кæны царды цины бæрæгбон æмæ адæймæгты сæфтыты рыстдзинад. Мах æрымысæм Стыр Фыдыбæстæйон хæсты хъайтарты, кæцытæ тох кодтой, сæ туг калдтой, æнахуыр тыхтæй архайдтой бæстæйы сæрибары сæраппонд.

Азæй азмæ махæй дарддæр кæнынц Стыр Фыдыбæстæйон хæсты трагикон рæстæджытæ, фæлæ мах зæрдæты æнустæм баззайдзысты легендарон фæлтæры хъайтарты стыр сгуыхтдзинæдтæ. Уыдоны цæвиттонтыл мах ахуыр кæнæм нæ райгуырæн зæхх уарзыныл  æмæ йæ хæрзиуæгæн кусыныл.

Ацы бæрæгбоны уын мæ цæст уарзы æнæниздзинад, фæрныгад, сабырад!

Республикæ Хуссар Ирыстоны Хицауады Сæрдар

Пухаты Эрик

 

***

Республикæ Хуссар Ирыстоны Хицауады Сæрдар Пухаты Эрик раарфæ кодта Уæрæсейы Федерацийы Хицауады Сæрдар Дмитрий Медведевæн Стыр Уæлахизы боны цытæн.

Арфæйы фыстæджы дзырдæуы:

«Цытджын Дмитрий Анатолийы фырт!

Бар мын радт æмæ дын раарфæ кæнон зæрдæйæн иууыл зынаргъдæр бæрæгбонтæй сæ иу – Стыр Уæлахизы боны цытæн!

Ацы нысаниуæгджын боны мах мысæм Стыр Фыдыбæстæйон хæсты быдырты чи фæмард, йæ фæуды фæстæ цардæй чи ахицæн сты, уыдоны рухс нæмттæ. Стыр кады æнкъарæнтимæ дзурæм бузныджы ныхæстæ ныры ветерантæн, фæсчъылдым фæллойгæнджытæн – фидæны фæлтæрæн сæрибар æмæ сабырад  чи æрхаста, æппæт уыдонæн.

Нæ бæстæты ‘хсæн бастдзинæдтæн ис арф историон уидæгтæ, кæцытæ фидардæр кæнынц азæй-азмæ. Æфсымæрон Уæрæсейы æххуысы фæрцы Хуссар Ирыстоны адæмæн фадат ис, цæмæй цæрой æмæ кусой  æдасæй æмæ сабыр уавæрты. Абоны бон нæ бæстæты ‘хсæн æмгуыстад рæзы паддзахадон архайды алыгъуызон къабæзты.

Цытджын Дмитрий Анатолийы фырт, ацы нысаниуæгджын боны айс иууыл зæрдиагдæр бузныджы ныхæстæ æмæ фидар æнæниздзинады, бинонты амонды, фæрныгады æмæ сабырады фæндиæгтæ»

***

Стыр Уæлахизы боны цытæн ма Пухаты Эрик раарфæ кодта: Республикæ Цæгат Ирыстон-Аланийы Хицауады Сæрдар Тускъаты Таймураз, Республикæ Абхазы Хицауады Сæрдар Беслан Барциц, Донецкы Адæмон Республикæйы Сæргълæууæг Александр Захарченко, Приднестроваг Молдаваг Республикæйы Хицауды Сæрдар Алекандр Мартыновæн.

 

 

РЕСПУБЛИКÆ ХУССАР ИРЫСТОНЫ ЦÆРДЖЫТÆН

Зынаргъ æмбæстæгтæ! Стыр Фыдыбæстæйон хæсты  цытджын ветерантæ æмæ фæсчъылдымы фæллойгæнджытæ!

Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын иууыл ахсджиагдæр æмæ уарзондæр бæрæгбон – Уæлахизы боны цытæн!

Уæлахизы бон у æнæбасæтгæ фидардзинад æмæ удыхъæды, нæ æхсарджын адæмы тыххæй сæрыстырдзинады символ. Ацы бон, кæцы нæ республикæйы алы адæймагæн дæр у нысани-уæгджын, мах цыт кæнæм Райгуырæн бæстæйы хъæбатыр хъахъхъæнджытæн, йæ удыл æнауæрдгæйæ, æрвылбон дæр хъæбатырæй Стыр Уæлахизы бон чи æввахс кодта, уыдонæн.

Мах сæрыстыр стæм, йæ цардыл æнæ ауæрдгæйæ йæ Фыдыбæстæ чи хъахъхъæдта, сабырдзинад чи æрхаста, нацизмæй дуне чи ссæрибар кодта æмæ фæсхæст азты бæстæйы чи æндидзын кодта, уыдонæй. Мах цæрæнбонтæм нæ ферох кæндзыстæм фронтовикты хъæбатырдзинад æмæ æхсардзинад, Райгуырæн бæстæмæ уарзондзинад æмæ иузæрдиондзинад та  цæвиттон уыдзысты  нырыккон фæсивæды патриотикон хъомыладæн.

Куыд ССР Цæдисы бирæнационалон цæрджытæ, афтæ не ‘мзæххонтæ дæр æппæт фронтты æвдыстой хæстон хъæбатырдзинад æмæ æхсардзинад, уыдонæй бирæтæ нал æрыздæхтысты хæстæй, сабырдзинад æмæ сæ Райгуырæн бæстæйы сæрвæлтау сæ цард ратгæйæ. Мах цытимæ хъахъхъæндзыстæм нæ адæмы традицитæ æмæ сын никуы ферох кæндзыстæм сæ хъæбатырдзинад.

Цытджын ветерантæ! Мæ зæрдæ уын зæгъы бирæ азты дæргъы æнæниздзинад, фидар удыхъæд æмæ удæнцойдзинад. Уадз, кæддæриддæр æфсæст ут æввахс адæмы аудындзинад æмæ уарзондзинадæй, уæ зæрдæты та кæддæриддæр уæд æууæнк-дзинад, ныфс æмæ уарзондзинад.

Бæрæгбоны хорзæх уæ уæнт!

Республикæ Хуссар Ирыстон – Паддзахад Аланийы Парламенты Сæрдар Гасситы Петр

 

***

УФ Федералон Æмбырды Федерацийы Советы Сæрдар Валентина Матвиенкойæн

Цытджын Валентина Иваны чызг!

Стыр цыт дын кæнын æмæ дæм æрвитын зæрдиаг салæмттæ  Стыр Уæлахизы боны цытæн!

Ацы бæрæгбон зынаргъ у раздæры Советон Цæдисы адæмтæй алкæмæн дæр. Милуангай советон адæймæгтæ ацы тугкалæн хæсты бахъахъхъæдтой сæ Райгуырæн бæстæ, дуне бахъахъхъæдтой фашизмæй. Æмæ абон нæ хæс у уыцы хъæбатыр бонты тыххæй, Стыр Фыдыбæстæйон хæсты хъæбатырты æмæ фæсчъылдымы фæллойгæнджыты тыххæй мысынад бахъахъ-хъæнын. Æппæтиумиаг сабырад æмæ хæрзæбоны тыххæй уыдонæн сæ кад цæргæйæ баззайдзæн зæххыл, алы адæймаджы зæрдæйы дæр.

Арфæ дын кæнын, цытджын Валентина Иваны чызг, Стыр Фыдыбæстæйон хæсты ветерантæн се ‘ппæтæн, фæсчъылдымы фæллойгæнджытæн æмæ Уæрæсейы æппæт æмбæстæгтæн Уæлахизы боны цытæн, сымахæн мæ фæнды æнæниздзинад, хæрзиуджытæ, сабыр цард æмæ дидинæфтыд.

Республикæ Хуссар Ирыстон – Паддзахад Аланийы Парламенты Сæрдар Гасситы Петр

 

***

Уæрæсейы Федерацийы Паддзахадон Думайы Сæрдар Вячеслав Володинæн

Цытджын Вячеслав Викторы фырт!

Айс мын мæ зæрдиаг арфæтæ стыр бæрæгбон – Уæлахизы боны цытæн!

Абон мах цыт кæнæм æмæ нæ рох кæнæм, фашизмы ныхмæ тохы сабырдзинад æмæ сæрибардзинады тыххæй сæ цард чи радтой, уыдонæн, хæсты фæндæгтыл чи рацыдысты æмæ се уæхсчытыл Уæлахиз чи æрхаста, уыдонæн. Мах цытимæ нæ сæртæй ныллæг кувæм советон хæстоны хъæбатырдзинад, фидардзинад æмæ æхсары раз. Стыр Фыдыбæстæйон хæсты хъæбатырты æхсардзинады руаджы мах ныфсхастæй хъуыды кæнæм райсомы боныл æмæ нæ фæндтæ нывæндæм фидæны тыххæй. Хæстон карз азты Фыдыбæстæйæн советон салдаты удуæлдай  службæ  цæвиттойнаг уыдзæн фæстаг фæлтæрты патриотон хъомыладæн æмæ Райгуырæн бæстæмæ уарзондзинадæн.

Арфæ кæнын Стыр Фыдыбæстæйон хæсты æппæт ветерантæн, фæсчъылдымы фæллойгæндждытæн  æмæ Уæрæсейы æппæт æмбæстæгтæн Уæлахизы бæрæгбоны цытæн æмæ сын мæ зæрдæ зæгъы æнæниздзинад, хæрзиуджытæ, сабыр цард æмæ дидинæфтыд.

Республикæ Хуссар Ирыстон – Паддзахад Аланийы Парламенты Сæрдар Гасситы Петр

 

***

РХИ-йы Парламенты Сæрдар Гасситы Петр ма Уæлахизы цытæн раарфæ кодта Цæгат Кавказы республикæты, Республикæ Арцах, Республикæ Абхаз, Приднестроваг Молдаваг Республикæ, Донецк æмæ Луганскы Адæмон Республикæты парламентты къухдариуæггæнджытæн дæр.