РХИ-йы Президент Тыбылты Леонидмæ

Цытджын Леонид Харитоны фырт!

Зæрдæбынæй арфæ кæнын дæуæн æмæ æппæт хуссарирыстойнаг адæмæн Стыр Фыдыбæстæйон хæсты Уæлахизы 71 азы боны цытæн. Ацы нысаниуæгджын боны мах фæмысæм æмæ фæкад кæнæм нæ фыдтæ æмæ дадатæн сæ æнæфæтасгæ лæгдзинад æмæ хъайтардзинады тыххæй, кæцытæ дуне бахъахъхъæдтой нацизмæй.

Уырны мæ, хæлардзинад æмæ кæрæдзимбарынады кадджын традицитæ, кæцытæ сфæлтæрдтой хæсты уæззау азты, дарддæр кæй уыдзысты Уæрæсе æмæ Хуссар Ирыстоны ’хсæн æмцæдисад æмæ партнерондзинады ахастыты фидар бындур.

Курæг дæ дæн, цæмæй республикæйы цæрæг хæсты æмæ фæсчъылдымы ветерантæн зæгъай арфæйы ныхæстæ, фидар æнæниздзинад, сабыр æмæ амондджын царды фæндиæгтæ.

УФ-йы Президент Владимир Путин


РХИ-йы Президент Тыбылты Леонидмæ

Цытджын Леонид Харитоны фырт!

Арфæ кæнын дæуæн æмæ Республикæ Хуссар Ирыстоны цæрджытæн Стыр Уæлахизы боны цытæн!

Ацы бæрæгбон у махæй алкæйы зæрдæйæн дæр æввахс æмæ зынаргъ бæрæгбон. Стыр Фыдыбæстæйон хæсты Уæлахиз нæ къухты бафтыд хъайтардзинад, патриотондзинад æмæ адæмы иудзинады руаджы. Æппæт рæстæджыты дæр уæлахизы рæнхъæй цæудзæн нæ хъайтарты Æнæмæлгæ полк, кæцытæ сæ цардæй бахъахъхъæдтой сабырдзинад зæххыл!

Стыр Уæлахизы бæрæгбоны хорзæх уæ уæт!

Цæгат Кавказы хъуыддæгты фæдыл УФ-йы министр Лев Кузнецов


РХИ-йы Президент Тыбылты Леонидмæ

Цытджын Леонид Харитоны фырт!

Зæрдæбынæй дын арфæ кæнын Уæлахизы боны цытæн. Ацы бæрæгбон нæ бæстæйы æппæт цæрджытæн дæр уыд æмæ уыдзæн стыр хъынцъымы æмæ стыр циндзинады бон. Нæ фыдæлты лæгдзинад æмæ хъайтардзинад æнустæм цæрдзæн нæ зæрдæты.

Ацы рæсугъд бон дæуæн æмæ де ’ввахс хиуæттæн мæ зæрдæ зæгъы æнæниздзинад æмæ царды æппæт хæрзиуджытæ.

УФ-йы Паддзахадон Думæйы депутат Дмитрий Савельев


РХИ-йы Президент Тыбылты Леонидмæ

Айс мын мæ зæрдæбын арфæтæ Стыр Уæлахизы 71 азы цытæн. Уырны мæ, советон адæмы хъайтардзинад, фæразондзинад æмæ фидар удыхъæды тыххæй кад кæй цæрдзæн æнустæм, æмæ Уæлахизы бон та цæрæнбонтæм кæй баззайдзæн иууыл сыгъдæгдæр æмæ ахадæндæр бæрæгбонæй, — дзырдæуы арфæйы телы.

Кæсæг-Балхъары Республикæйы Сæргълæууæг Юрий Коков


РХИ-йы Президент Тыбылты Леонидмæ

Цытджын Леонид Харитоны фырт!

Айс мын мæ зæрдæбын арфæтæ нысаниуæгджын бæрæгбон — Стыр Уæлахизы цытæн.

Уæрæсейы цытджын бонты къæлиндары иууыл ахсджиагдæр, сæйрагдæр æмæ нысаниуæгджындæр бæрæгбон — Уæлахизы бон æнустæм бацыд историмæ, куыд адæмты æнæфехæлгæ æфсымæрдзинады æмæ лæгдзинады символ, кæцытæ æрбаиу сты Фыдыбæстæмæ æрбабырсæг æгъатыр знаджы ныхмæ тохы.

Уадз, æнусон уæт нæ бузныгдзинад Стыр Фыдыбæстæйон хæсты хъайтартæм, æппæт хæстон фæлтæрмæ, кæцыты сгуыхтдзинад æмæ лæгдзинад адæймагады бахъахъхъæдтой фашизмæй. Мæ зæрдæ дын зæгъы æнæниздзинад æмæ ног æнтыстытæ нæ иумæйаг Райгуырæн бæстæ — Стыр Уæрæсейы фæрныгадæн.

РЦИ-Аланийы сæргълæууæг Битарты Вячеслав


РХИ-йы Хицауады Сæрдар Хъуылымбегты Доментимæ

Цытджын Доменти Сардионы фырт!

Арфæ дын кæнын Стыр Фыдыбæстæйон хæсты Уæлахизы 71 азы боны цытæн.

Ацы бонты мах æрæмысæм нæ фыдты æмæ дадаты æнæмæлгæ сгуыхтдзинады тыххæй, кæцытæ, фашизмы ныхмæ тох кæнгæйæ, бахъахъхъæдтой сæрибардзинад æмæ хæдбардзинад фидæны фæлтæртæн.

Уырны мæ, уæрæсейаг æмæ хуссарирыстойнаг адæмты æфсымæрдзинад, кæцы сфидар хæстон азты фæлварæнты рæстæджы, дарддæр дæр кæй ахъаз кæндзæн нæ бæстæты ’хсæн хæлардзинад æмæ æмцæдисон ахастыты рæзтæн.

Курæг дæ дæн, цæмæй æппæт хуссарирыстойнаг ветерантæн зæгъай бузныгдзинады ныхæстæ, æнæниздзинад, сабырдзинад æмæ амондджын царды фæндиæгтæ.

УФ-йы Хицауады Сæрдар Дмитрий Медведев


УФ-йы Президент Владимир Путинмæ

Цытджын Владимир Владимиры фырт!

Айс мын мæ иууыл хъармдæр арфæтæ Стыр Уæлахизы 71 азы боны цытæн.

Ацы бон мах æрæмысæм советон адæмы хъайтардзинад, кæцы фидар фæлæууыд знаджы ныхмæ тохты, бахъахъхъæдта райгуырæн зæхх фидæны фæлтæртæн.

Уырны мæ, нæ адæмты æфсымæрдзинад, кæцы иу æмæ дыууæ хатты не сбæрæг уæззау фæлварæнты, дарддæр дæр кæй ахъаз кæндзæн Хуссар Ирыстон æмæ Уæрæсейы ’хсæн æмцæдисон ахастыты рæзтæн.

Ацы бæргбоны дын мæ зæрдæ зæгъы фидар æнæниздзинад æмæ амондджын цард, Стыр Уæрæсейы адæмæн та — сабырдзинад.

РХИ-йы Президент Тыбылты Леонид

 

УФ-йы Хицауады Сæрдар Дмитрий Медведевмæ

Цытджын Дмитрий Анатолийы фырт!

Айс мын мæ иууыл хъарм дæр арфæтæ Стыр Фыдыбæстæйон хæсты Уæлахизы 71 азы боны цытæн.

Ацы рæсугъд бæрæгбон ссис советон адæмы бæрзонддзинады символ, кæцы бахъахъхъæдта сæрибардзинад æмæ хæдбардзинад, йæ фæндвидардзинады, фæразондзинады символ.

Уырны мæ, Стыр Уæлахизы тыххæй мысынад алыхатт дæр кæй уыдзæн фидар бындур хуссарирыстойнаг-уæрæсейаг æмцæдисон ахастыты алыварсон рæзтæн.

Ацы бæрæгбоны дын мæ зæрдæ зæгъы фидар æнæниздзинад æмæ царды æппæт хæрзиуджытæ.

РХИ-йы Президент Тыбылты Леонид

 

УФ-йы Федералон Æмбырды Федерацийы Советы Сæрдар Валентина Матвиенкомæ

Цытджын Валентина Иваны чызг!

Айс мын мæ иууыл хъармдæр арфæтæ Стыр Уæлахизы 71 азы боны цытæн.

9 май у махæй алкæмæн дæр уæлдай ахсджиагдæр бон. Стыр Уæлахизы иумæйаг мысынад алыхатт дæр цæрдзæн нæ зæрдæты æмæ уыдзæн фидар бындур Хуссар Ирыстон æмæ Стыр Уæрæсейы æфсымæрон адæмты ’хсæн æмцæдисон ахастыты дарддæры рæзтæн.

Ацы бæрæгбоны дын мæ зæрдæ зæгъы фидар æнæниздзинад æмæ амондджын цард.

РХИ-йы Президент Тыбылты Леонид

 

УФ-йы Федералон Æмбырды Паддзахадон Думæйы Сæрдар Сергей Нарышкинмæ

Цытджын Сергей Евгены фырт!

Айс мын мæ иууыл хъармдæр арфæтæ Стыр Уæлахизы боны цытæн.

Стыр Уæлахизы тыххæй иумæйаг мысынад алыхатт дæр цæрдзæн нæ зæрдæты æмæ уыдзæн фидар бындур Хуссар Ирыстон æмæ Стыр Уæрæсейы æфсымæрон адæмты ’хсæн æмцæдисон ахастыты дарддæры рæзтæн.

Ацы бæрæгбоны дын мæ зæрдæ зæгъы фидар æнæниздзинад æмæ царды æппæт хæрзиуджытæ.

РХИ-йы Президент Тыбылты Леонид

 

Республикæ Цæгат Ирыстон-Аланийы Сæргълæууæг Битарты Вячеславмæ

Цытджын Вячеслав Зелимханы фырт!

Айс мын мæ иууыл хъармдæр арфæтæ Стыр Уæлахизы боны цытæн.

Ацы бæрæгбон нæ зæрдæтæм бацыд куыд адæмты хъайтардзинад æмæ лæгдзинады символ, афтæ, кæцы зæххыл бахъахъхъæдта сабырдзинад.

Ацы бæрæгбоны дæуæн æмæ æфсымæрон Цæгат Ирыстоны ветерантæ æмæ цæрджытæн мæ зæрдæ зæгъы æнæниздзинад æмæ амондджын цард.

РХИ-йы Президент Тыбылты Леонид

 

РХИ-йы Президент Тыбылты Леонид ма Уæлахизы боны цытæн арфæйы телтæ арвыста Республикæ Абхазы Президент Рауль Хаджимбамæ, Донецкы Адæмон Республикæйы Сæргълæууæг Александр Захарченкомæ, Луганскы Адæмон Республикæйы Сæргълæууæг Игорь Плотницкимæ, Хæххон Къарабахы Республикæйы Президент Бако Саакянмæ, Приднестроваг Молдоваг Республикæйы Президент Евгений Шевчукмæ.

 


УФ-йы Хицауады Сæрдар Дмитрий Медведевмæ

Цытджын Дмитрий Анатолийы фырт!

Республикæ Хуссар Ирыстоны Хицауад æмæ дын сæрмагондæй мæхи номæй арфæ кæнын нæ иумæйаг бæрæгбон — Стыр Фыдыбæстæйон хæсты Уæлахизы боны цытæн.

Ацы бæрæгбон æгæрон зынаргъ у нæ бæстæты цæрджыты æппæт фæлтæртæн. Ацы бон мах фæкад кæнæм æмæ фæмысæм уыдоны, кæцытæ нацизмы ныхмæ æгъатыр хæсты бахъахъхъæдтой Фыдыбæстæйы хæдбардзинад æмæ ныры фæлтæрты сæрибардзинад. Фронтовикты æмæ фæсчъылдымы фæллойгæнджыты хъайтардзинад, фæразондзинады тыххæй мысынад æнустæм цæрдзæн нæ зæрдæты!

Уырны мæ, æфсæддон æфсымæрдзинады традицитæ дарддæр дæр кæй уыдзысты фидар бындур Уæрæсе æмæ Хуссар Ирыстоны ’хсæн хæлардзинад сфидардæр кæныны æмæ дыууæварсон æмгуыстадæн.

Цытджын Дмитрий Анатолийы фырт, мæ зæрдæ дын зæгъы фидар æнæниздзинад, сабырдзинад æмæ дарддæры æнтыстытæ дæ бæрнон архайды!

РХИ-йы Хицауады Сæрдар Хъуылымбегты Доменти

 

 

Зынаргъ ветерантæ æмæ фæсчъылдымы фæллойгæнджытæ! Цытджын æмбæстæгтæ!

РХИ-йы Хицауады æмæ уын сæрмагондæй мæхи номæй арфæ кæнын Стыр Уæлахизы боны цытæн!

9-æм май у нæ историйы кадджындæр бон. Ацы бон мах уæлдай арфæйы æнкъарæнтæ æмæ сæрыстырдзинадимæ æрæмысæм уыдоны, кæцытæ рацыдысты карз фæлварæнтыл, фашизмы ныхмæ тох кæнгæйæ, фидæны фæлтæрты сабырдзинад æмæ сæрибардзинады сæраппонд.

Стыр Уæлахизы бон мах нæ сæртæй ныллæг фæкувæм хæстонтæ-сæрибаргæнджыты æмæ фæсчъылдымы фæллойгæнджыты раз, æппæт уыдоны раз, кæцытæ фашизмыл фæуæлахизы тыххæй сæ удуæлдай сгуыхтдзинæдтæ æмæ фæллойæ, фидæны фæлтæртæн сифтонг кодтой сæрибар æмæ сабыр цард. Стыр Фыдыбæстæйон хæсты фронтты тохты Ирыстоны фырттæ æмæ чызджытæ алыхатт дæр уыдысты фыццаг рæнхъыты, æгæрон хъайтардзинад æмæ лæгдзинады цæвиттонтæ æвдисгæйæ.

Нæ иумæйаг хæс у, ацы Уæлахиз цы аргъæй бафтыд къухты, уый хъуыды кæнын, ног фæлтæрты уый фæдыл аудгæ ахаст дарыныл хъомыл кæнын. Дарддæрæй дарддæр кæны уыцы цау — 1945 азы Сырх Фæзуаты Уæлахизы парад, фæлæ азтæ куыд цæуынц, афтæ мах уæлдай тынгдæр æмбарæм Стыр Фыдыбæстæйон хæсты советон адæмы сгуыхтдзинады ахадындзинад.

Зынаргъ ветерантæ!

Мах, сабыр рæстæджы чи райгуырд, уыдон æвзонджы бонтæй фæстæмæ нæ зæрдæты æвæрдæй дарæм сымахмæ, Уæлахизы бæрæгбонмæ иууыл уæздандæр æнкъарæнтæ.

Мах сæрыстыр стæм сымахæй æмæ хъахъхъæндзыстæм рæстдзинад Стыр Фыдыбæстæйон хæсты тыххæй. Уæлахизы бон махæн баззайдзæн рæстдзинад, сæрыстырдзинад æмæ уыцы карз æмæ тæссаг хæсты милуангай фæмардуæвджыты фæдыл дунеон хъынцъымы бонæй. Мах алыхатт дæр нæ зæрдыл дардзыстæм, уæ фæлтæр нын сæрибар æмæ сабыр цард кæй æрхаста, уый.

Ацы ахсджиаг боны сымахæн æмæ уе ’ввахс хиуæттæн мæ зæрдæ зæгъы фидар æнæниздзинад, сабырдзинад æмæ амондджын цард!

РХИ-йы Хицауады Сæрдар Хъуылымбегты Доменти

 


Зынаргъ æмбæстæгтæ!

Стыр Фыдæбæстæйон хæсты цытджын ветерантæ æмæ фæсчъылдымы фæллойгæнджытæ!

Республикæ Хуссар Ирыстоны Парламенты номæй æмæ уын сæрмагондæй мæхи номæй арфæ кæнын паддзахадон æмæ æппæтадæмон бæрæгбонты ахсджиагдæртæй сæ иу — Уæлахизы боны цытæн!

Ацы бæрæгбон у гуманизмы æмæ æгæрон иумиагадæймагон æргъадты, ахсджиаг мысынад æмæ советон бирæнацион адæмы, æнæбасæтгæ Гарзджын тыхты хъæбатырдзинады тыххæй сæрыстырдзинады бæрæгбон. Стыр бузныджы æнкъарæнтимæ мах цытимæ мысæм æмæ цыт кæнæм салдаттæ æмæ фæсчъылдымы фæллойгæнджытæн, кæцытæ сæ фидар удыхъæд, æгæрон æхсар æмæ хъæбатырдзинадæй æввахс кодтой ацы бон, кæцытæ сæ цард нывондæн æрхастой фидæны фæлтæры амондджын фидæны сæрыл. Нæ сæртæй ныллæг кувæм, чи фæмард æмæ удæгас чи сты, уыдоны раз! Не ’мбæстæгтæ, кæцытæй бирæтæ сæ цард радтой Уæлахизы æмæ сабырады тыххæй, стыр хъæбатырдзинад равдыстой немыцаг фашизмы ныхмæ тохы. Мах æнустæм никуы ферох кæндзыстæм советон адæмы стыр, æгæрон хъæбатырдзинад.

Нæ зынаргъ ветерантæ, мах сæрыстыр стæм сымахæй æмæ тырнæм, цы традицитæ ныууагътат, уыдон адарддæр кæнынмæ. Нæ хæс у сымахæн аккаг уавæртæ саразын, сымахыл аудын æмæ уæм нæ хъус дарын.

Стыр Фыдыбæстæйон хæсты цытджын хайадисджытæ, фæсчъылдымы фæллойгæнджытæ! Зынаргъ ветерантæ! Ноджыдæр уын зæрдиаг бузныг зæгъын уæ æнæмæлгæ Хъæбатырдзинады тыххæй, Стыр Уæлахизы тыххæй, зæххыл сабырады фæстиуæгæн уæ æвæллайгæ фæллойы тыххæй.

Мæ зæрдæ уын зæгъы фидар æнæниздзинад æмæ хæрзиуджытæ, уды æхцондзинад æмæ бирæ азы амондджын цæрæнбонтæ.

Уæлахизы хорзæх уæ уæд, зынаргъ хæлæрттæ!

Республикæ Хуссар Ирыстоны Парламенты Сæрдар Бибылты Анатоли

Comments are closed, but trackbacks and pingbacks are open.