Цытджын Анатоли Ильяйы фырт!

Айс мын мæ иууыл зæрдиагдæр арфæтæ дæ гуырæн боны цытæн, фидар æнæниздзинад, амонд, фæрныгад æмæ паддзахадон архайды  æнтыстыты фæндиæгтæ.

Уæрæсейы аргъ кæнынц нæ бæстæты ‘хсæн æмгуысткæнынад æмæ интеграцийы ахастытæн, алы æмæ алы фадгуыты кæрæдзийæн пайдайы æмгуысткæнынад рæзын кæныны фæдыл дæ архайдæн. Мæ зæрдæ дарын нæ конструктивон диалог æмæ иумиаг æнтыстджын куыст адарддæр кæныныл.

Цытимæ æмæ иууыл хуыздæр фæндиæгтимæ

Уæрæсейы Федерацийы Президент

Владимир Путин

 

***

Цытджын Анатоли Ильяйы фырт!

Уæрæсейы Федерацийы Хицауады æмæ дын мæхи номæй арфæ кæнын дæ гуырæн боны цытæн.

Фæнды мæ банысан кæнын де стыр бавæрд уæрæсейаг-хуссарирыстойнаг ахастытæ рæзын кæнынмæ, кæцытæ æнцой кæнынц хæлардзинад, хæларсыхагон  æмæ партнердзинады принциптыл.

Фидарæй мæ уырны, базарадон-экономикон æмæ инвестицион æмархайдтытæ  фидардæр  кæндзысты, алыгъуызон фадгуыты иумиаг перспективон проектты реализаци æххæстæй дзуапп кæй дæтдзысты Уæрæсе æмæ Хуссар Ирыстоны интерестæн.

Цытджын Анатоли Ильяйы фырт, мæ зæрдæ дын зæгъы фидар æнæниздзинад, амонд æмæ æнтыстытæ дæ бæрнон архайды.

    Цытимæ, Уæрæсейы Хицауады Сæрдар

                                                         Дмитрий Медведев

***

Цытджын Анатоли Ильяйы фырт!

Айс мын мæ зæрдиаг арфæтæ дæ гуырæн боны сæраппонд.

Уæрæсейы Федерацийы Федералон Æмбырды Федерацийы Совет стыр аргъ кæны уæрæсейаг-хуссарирыстойнаг парламентон бастдзинæдты дæ фарсхæцынадæн. Ныфс æвæрæм  дарддæры  æнтыстджын æмгуысткæнынадæй, нæ бæстæты ‘хсæн цæдисон ахастытæ фидар кæнын æмæ интеграцион æмархайдæй.

Мæ зæрдæ дын зæгъы, цытджын Анатоли Ильяйы фырт, фидар æнæниздзинад, хæрзиуджытæ æмæ æнтыстытæ бæрзонд паддзахадон посты. Уадз, дæ фæлтæрддзинад, фæдфæдылондзинад æмæ нысанмæздæхтдзинад фидар бындур уæт Хуссар Ирыстоны æфсымæрон адæмы хæрзæбонæн æнтыстджын куыстæн.

Уæрæсейы Федерацийы Федералон Æмбырды Федерацийы Советы Сæрдар Валентина Матвиенко

***

Зынаргъ Анатоли Ильяйы фырт!

Айс мын мæ иууыл хъармдæр арфæтæ дæ гуырæн боны цытæн!

Бæрзонд къласы профессионал, куырыхон къухдариуæггæнæг, зæрдæхæлар, æргом адæймаг – ахæмæй дæ зонынц, æрмæст Ирыстоны нæ, фæлæ æппæт ирон адæм, кæцы аргъ æмæ цыт кæны йæ æцæг лидертæн.

Уадз, æмзæххонты кады ахаст æмæ авторитет, бирæнымæц хæлæртты фарсхæцынад дын æххуыс кæнæд æвзонг хæдбар паддзахады Президенты бæрнон архайды, кæцы æнтыстджынæй кусы йæ абоныл æмæ фидæныл.

Мæ зæрдæ дын зæгъы фидар æнæниздзинад, бинонты амонд æмæ æнтыстытæ дидинæфтыдмæ  Хуссар Ирыстоны размæцыды фæндагыл æппæт хъуыддæгты.

Республикæ Цæгат Ирыстон-Аланийы

                           Сæргълæууæг Битарты Вячеслав

***

Цытджын Анатоли Ильяйы фырт!

Айс мын мæ зæрдиаг арфæтæ дæ гуырæн боны цытæн!

Бæрзонд паддзахадон бынæтты дæ бирæазон архайд, кæцы бындуриуæг кæны профессионализм,  рæстуд æмæ адæммæ лæмбынæг ахастыл, кæддæриддæр-иу æркодта разылæугæ хæстæ  æнтыстджынæй аскъуыддзаг кæнынмæ æмæ дын уый арæзта аккаг кад республикæйы æмбæстæгты ‘рдыгæй. Уый руаджы  абон ды  –  паддзахады куырыхон æмæ бæрнон сæргълæууæг, дæ разы амбициозон нысæнттæ æвæрыс æмæ сæ планбæрцонæй æххæст кæныс.

Дæ къухдариуæгадæй республикæ фæдфæдылонæй размæ цæуы, уæрæх кæны республикæйæн хæларадон бæстæты географи, реализаци цæуынц ахсджиаг социалон проекттæ, кæцыты нысан у адæмы царды гъæд фæбæрзонддæр кæнын. Арæзт цæуынц фæндæгтæ, цæрæнуат, скъолатæ æмæ сывæллæтты цæхæрадæттæ, медицинон уагдæттæ, гом кæнынц нырыккон куыстуæттæ.

Ахсджиаг уый дæр у, æмæ дæ лæмбынæг хъусдарды бын сты чысыл æмæ астæуккаг амалиуæгадæн æххуыс кæнын, инвестицион климат фæхуыздæр кæнын, куысты ног бынæттæ саразын.

Абон ды дæ дæ царды хорз кары, ис дæм стыр фæлтæрддзинад,  кусынæн дæм ис тыхтæ æмæ фæндондзинад, дæ разы та гом кæнынц фадæтты ног горизонттæ.

Мæ зæрдæ дын зæгъы фидар æнæниздзинад, æвидигæ энерги æмæ æнтыстытæ санысангонд плæнттæ æххæст кæныны. Уадз, кæддæриддæр дæ фарсмæ уæнт иузæрдион хæлæрттæ æмæ æмтохгæнджытæ, дæ хиуæттæ æмæ хæстæджыты уарзт æмæ фарсхæцынад та дын тыхтæ дæттæд Райгуырæн бæстæйы хæрзиуæгæн ног æнтыстытæн!

РХИ-йы Хицауады Сæрдар Пухаты Эрик

***

Цытджын Анатоли Ильяйы фырт!

Айс мын мæ иууыл зæрдиагдæр арфæтæ дæ гуырæн боны цытæн!

Æппæт дæ архайд баст у райгуырæн Ирыстонимæ. Дæ фæллойадон фæндаг – Хуссар Ирыстоны гарзджын тыхты рæнхъыты, фидауынгæнæн тыхты сконды, 2008 азы августы Гуырдзыстонимæ хæсты активон хайадист, Уæлвæткон уавæрты министрады сæргълæууæгæй кусын, депутатæй æвзæрст æмæ уый фæстæ та Хуссар Ирыстоны Парламенты Сæрдар суæвын – уый у уыцы бындур, кæцы дын бар радта республикæйы æмбæстæгты æууæнк рамбулынæн, дæ цæстæнгас æмæ сын республикæйы рæзты фæндæгтæ  бамбарын кæнынæн æмæ æппæтадæмон æвзæрст  Президент суæвынæн. Æрвылхатт дæр бæстæйы политикон цауты æмæ æхсæнадон царды  æрфæнты уæвгæйæ, ды æнæфæцудгæйæ кусыс адæмы хæрзиуæгæн, архайыс республикæйы сабырад æмæ фидыдад бахъахъхъæныныл. Принципиалон, рæстагон, Райгуырæн бæстæйы æцæг патриот, ды бирæ тыхтæ æмæ зонындзинæдтæ хардз кæныс республикæйы мидæггагон æмæ æддагон политикæйы хæстæ скъуыддзаг кæныныл, стыр хайбавæрд хæссыс дунеон æхсæнады ‘рдыгæй республикæйы дарддæры банымадмæ, Уæрæсеимæ æмæ дунейы æндæр бæстæтимæ бастдзинæдтæ æмæ кæрæдзийæн пайдайы æмгуысткæнынад рауæрæх кæнынмæ.

Цытджын Анатоли Ильяйы фырт!

Бар мын радт ноджыдæр дын раарфæ кæнон æмæ дын зæгъон фидар æнæниздзинад, амонд, хæрзиуджыты фæндиæгтæ дæуæн æмæ дæ бинонтæн, стыр æнтыстытæ   Ирыстоны æмæ йæ адæмы хæрзиуæгæн.

Республикæ Хуссар Ирыстоны Парламенты Сæрдар Гасситы Петр

***

Президент Бибылты Анатолийæн йæ гуырæн боны цытæн раарфæ кодтой  Цæгат-Кавказаг федералон зылды Уæрæсейы Федерацийы Президенты æххæстбарджын минæвар  Александр Матовников, Республикæ Абхазы Президент Рауль Хаджимба, Луганскы Адæмон Республикæйы Сæргълæууæг  Леонид Пасечник, Луганскы Адæмон Республикæйы  Адæмон Советы Сæрдар Денис Мирошниченко, Донецкы Адæмон Республикæйы Сæргълæууæг Денис Пушилин, Уæрæсейы Федерацийы Хицауады Сæрдары хæдивæг Виталий Мутко, Приднестроваг Молдаваг Республикæйы Президент  Вадим  Красносельский, Хъæрæсе-Черкесийы Республикæйы Сæргълæууæг Рашид Темрезов, Кæсæг-Балхъарты Республикæйы Сæргълæууæг Казбек Коков, Республикæ Цæгат Ирыстон-Аланийы Хицауады Сæрдар Тускъаты Таймураз, Республикæ Цæгат Ирыстон-Аланийы Парламенты Сæрдар Алексей Мачнев, Санкт-Петербурджы губернаторы хæстæ рæстæгмæ æххæстгæнæг Александр Беглов, Пензæйы областы губернатор Иван Белозерцев, Цæгат Кавказы хъуыддæгты фæдыл Уæрæсейы Федерацийы министр Сергей Чеботарев, Дзæуджыхъæуккаг æмæ Алайнаг Архиепископ, Уæрæсейаг Чырыстон Аргъуаны приходы разамонæг Леонид, Республикæ Татарстаны Президент Рустам Минниханов.

 

Comments are closed, but trackbacks and pingbacks are open.