Æхсæнадæмон форум «Хуссар Ирыстон, Уæрæсейы Федерацийы ‘рдыгæй республикæйы паддзахаддзинады банымайыны 15 азы» уагъд æрцæудзæн Цхинвалы 16-æм августы, – хъусын кæны Хуссар Ирыстоны паддзахадон университеты пресс-службæ.
Форумы уазджытæ суыдзысты уæрæсейаг эксперттæ æмæ журналисттæ. Мадзал райдайдзæн пленарон рабадтæй паддзахадон университеты.
«Уазджытæн раарфæ кæндзысты ХИПУ-йы ректор Тедеты Вадим æмæ йе ‘ххуысгæнæг Тадтаты Иринæ. Уый фæстæ сын плангонд у тымбыл фынг «15 лет мира», зæгъгæ. Ам мадзалы модератортæй ралæудзысты ХИПУ-йы медиахолдингы къухдариуæггæнæг Джиоты Аллæ æмæ Евразийаг экономикон цæдисы институты директор Владимир Лепехин. Уый æрдзурдзæн постсоветон тыгъдады ног республикæты феномены фарстыл æмæ сæ рæзты перспективæтыл», – банысан кодтой уæлдæр ахуырадон уагдоны.
Уымæй дарддæр ма докладтæ бакæсдзысты РХИ-йы Журналистты цæдисы сæрдар Харебаты Батрадз, медиацентр «Ир»-ы президент Гаглойты Иринæ, ректоры уынаффæгæнæг, æмбæстагон барады кафедрæйы доцент Гобозты Вячеслав, афтæ ма PR GR-йы фæдыл полит-консультант, психолог, эксперт Алена Август.
Уыцы иурæстæджы ма тымбыл фынгимæ дзыллон информацийы фæрæзты кусджытæн æмæ пресс-службæтæн уагъд æрцæудзæн æфсæддон эксперт Александр Хроленкойы мастер-кълас, хуссаирыстойнаг журналистты йæ фæлтæрддзинадимæ базонгæ кæндзæн Алена Август.
