14-æм сентябры Тæбæхсауты Балойы номыл Цæгат Ирыстоны паддзахадон академион театры уагъд æрцæудзæн «Алайнаг библиотекæ»-йы чингуыты серийы презентаци, кæцы баст у Аланийы дзуарæфтыдыл 1100 азы сæххæсты бонимæ.
Уазджыты рæгъмæ рахастæуыдзæн чингуыты равдыст мысæн серийы цытæн. Цытджын изæры æрбавдисдзысты «Алайнаг библиотекæмæ» бацæугæ 17 чиныгæй алкæцыйы фæдыл дæр видеозарисовкæтæ. Сериты рауагъд æххæст цыд 2020 азæй 2022 азмæ. Презентацийы хайад райсдзысты Цæгат æмæ Хуссар Ирыстоны къухдариуæгад, Дзæуджыхъæуккаг æмæ Алайнаг епископ Герасим, РЦИ-Аланийы хицауады уæнгтæ, сфæлдыстадон цæдисты, зонадон æхсæнады, национ-культурон æхсæнадты минæвæрттæ.
Æрбамбырдуæвджыты раз ралæудзысты Цæгат Ирыстоны Мариинаг театры филиалы артисттæ æмæ музыканттæ, уыцы нымæцы Н.Хондзискийы къухдариуæгадæй симфонион оркестр, Цæгат Ирыстоны паддзахадон филармонийы нæлгоймæгты хор Дзанайты О. къухдариуæгадæй, Галаты Барисы номыл Хуссар Ирыстоны зард æмæ кафты паддзахадон ансамбль «Симд»-ы нæлгоймæгты хор. Мадзалы сæйраг архайд суыдзæн Хетæгкаты Къостайы поэмæ «Се человек»-ы фæдыл литературон-драмон композицийы премьерæ Цæгат Ирыстоны паддзахадон академион театры актерты хайадистæй.
«Алайнаг библиотекæ» у нысаниуæгджын æмæ уникалон чингуыты проект. Серийы 17 чиныджы мыхуыр æрцыдысты чырыстондзинады историйы цытæн, ирæтты æмæ сæ фыдæлты алыгъуызон рæстæджыты царды йæ нысаниуæджы тыххæй. Иртасæн æрмæджытæ æвдисынц Алайнаг чырыстон бынты. Æнæхъæн проект у историографийы аккаг хайбавæрд. Проект среализаци кодтой РХИ-Аланийы мыхуыры комитет æмæ Цæгат Ирыстоны рауагъдад «Ир», – радзырдта проекты организатор, РЦИ-Аланийы мыхуыры фæдыл комитеты сæрдары хæдивæг Гæбæлаты Мадинæ. Банысан кæнын хъæуы уый дæр, æмæ ацы аз республикæ кæй адарддæр кодта серийы 18-æм чиныг «Моления о чаше», кæцыйы автор у Сæлбиты Тимур. «Алайнаг библиотекæ»-йы проект реализаци æрцыд федералон центры æххуысæй.
Comments are closed, but trackbacks and pingbacks are open.