Акци «Æнæмæлгæ полк» уагъд æрцæудзæн 9-æм майы видеотрансляцийы режимы коронавирусы пандемийы тыххæй. «Коронавирусы пандемийы тыххæй традицион акци «Æнæмæлгæ полк»-мæ бахастæуыд ивындзинæдтæ. Ацы аз акци уагъд æрцæудзæн трансляцийы хуызы», – фехъусын кодтой змæлд «Волонтеры Победы»-йы пресс-службæйы.

Куыд хъусын кæнынц, уымæ гæсгæ видеоцыд ракæндзысты Мæскуыйы 200 медиаэкрантæм. Уымæй дарддæр ма проекты партнерæй ралæудзæн онлайн-кинотеатр «ОККО». Трансляцимæ бакæсæн уыдзæн «Æнæмæлгæ полк»-ы официалон сайты дæр. Техникон æгъдауæй видеоцыд уыдзæн хæсты ветеранты нывты видеокъорды хуызы. Уый арæзт цæудзæн автоматон æгъдауæй бæрæггæнæнты базæйы бындурыл.

«Æмбæлон формæ байдзаггæнæн ис партнерон фæзуæттæй сæ иуы сайты: «Уæрæсейы Æнæмæлгæ полк», проект «Банк памяти»-йы сайтыл, афтæ ма мини-сервисты фæрцы «ВКонтакте» æмæ «Одноклассники»-йы», – бамбарын кодтой организатортæ.

Æрбавдисгæ куырдиæттыл кусдзысты бархионтæ (волонтертæ). Уыдон сбæрæг кæндзысты, провокацион цаутæ дзы ис æви нæ, уый. Бархионтæ сæ куыстмæ æрæв-нæлдтой 28-æм апрелы æмæ модерацийæ архайдзысты суанг 9-æм майы онг.

Банысан кæнын хъæуы уый дæр, æмæ 16-æм апрелы УФ-йы Президент Владимир Путин официалон æгъдауæй кæй аивта Уæлахизы парадмæ æмæ акци «Æнæмæлгæ полк»-мæ цæттæгæнæн мадзæлттæ. Ацы уынаффæ райстæуыд бæстæйы вазыгджын эпидемиологон уавæры тыххæй.

Comments are closed, but trackbacks and pingbacks are open.