Уæрæсейы хъайтар Абайты Юри хорзæхджын æрцыд республикæйы уæлдæр паддзахадон хорзæх – «Слава Осетии»-йы орденæй. Уый тыххæй йæ телеграм-каналы фехъусын кодта РЦИ-Аланийы Сæргълæууæг Сергей Меняйло.
«Сæрмагонд æфсæддон операцийы равдисгæ хъæбатырдзинады тыххæй райстон уынаффæ Уæрæсейы хъайтары, не ‘хсарджын хæстон Абайты Юрийы уæлдæр паддзахадон хорзæх – «Ирыстоны кады» орденæй схорзæхджын кæныны тыххæй.
Юри цыбыр рæстæгмæ улæфты æрцыд йæ райгуырæн республикæмæ. Ам æм æнхъæлмæ кæсынц йæ цардæмбал æмæ йе ‘ртæ фырты. Уыдонæй сæ иу а-дунемæ фæзынд ивгъуыд къуырийы. Сæрмагондæй мæхæдæг раарфæ кодтон хъайтарæн йæ хæстон лæггæдты æмæ йæ фырты райгуырды тыххæй! Бæдæйнаг, Юри! Уый дын лæг! Дæхи æмæ дæ фарсмæ чи ис, уыдоны дæр хъахъхъæн!», – ныффыста Сергей Меняйло йæ телеграм-каналы.
