1991 азы Цъинагары хъæуы цы трагеди æрцыд æмæ уый азарæй хъæуы цæрджытæй цы авд лæппуйы бабын, уыдон рухс нæмттæ никуы ферох уыдзысты ирон адæмæй.
Уыцы уалдзыгон бон хъæуы цæрджытæ сæхицæн цадæггай архайдтой сæ цæхæрадæтты. Уалынмæ хъæуы фос кæм хызтызты, уырдыгæй фыййауы фæдисы хъæр райхъуыст, сыхаг гуырдзиаг хъæуы цæрджытæ нын нæ сæрвæттæй нæ фос скъæрынц, зæгъгæ. Хъæуы лæппутæй цалдæр фæдисы цыд акодтой æххуысмæ. Гуырдзиаг æнæформалтæ сæ, тæппудтау, фæсвæдæй æхсын райдыдтой æмæ дзы авды амардтой…
Бибылты Гиви, Дудайты Тенгиз, Мæргъиты Отар, Чертхъоты Славик, Хуыбылты Зауыр, Хуыбылты Омар æмæ Хуыбылты Таймураз. Уыцы сау бон никуы ферох уыдзæн хъæубæстæй. Уыцы авд номы, уыцы гъæйт-мардзæ фæсивæды хъысмæт æнусон рисæй баззайдзæн Ирыстоны зæрдæйы.
Æрвылаз Хицауады разамынад æмæ хъæубæсты адæм бацæуынц æмæ дидинтæ сæвæрынц трагедийы амæттæгтæн Цъинагары хъæуы астæу цы цыртытæ æвæрд ис, уым.
УАЗÆГТЫ Марфа
