Ставрополы крайæ æрхонгæ специалисттæ æфснайæн кампани цæттæ кæныны фæлгæтты Хуссар Ирыстоны уадзынц нæмыгæфснайæн комбайнты техникон ифтонгад, – хъусын кæны Хъæууон хæдзарады министрады пресс-службæ.
«Техникон лæггæдтæм хауынц машинæйон системæтæ æмæ йæ алыгъуызон хæйттæ басгарын, ссыгъдæг кæнын, æртаг-сæрдæн æрмæджытæй байсæрдын æмæ бæстон кæныны куыстыты æнæхъæн комплекс. Техникон лæггæдты нысан у хъæууонхæдзарадон техникæйы æнæрæстæджы баихсийын æмæ базæрондæй бахъахъхъæнын,рæстæгыл æй сцалцæг кæнын æмæ машинæты куыстхъомдзинад сифтонг кæнын», – дзырдæуы пресс-службæйы релизы.
Паддзахадон унитарон куыстуат «Ирагпромсервис»-ы директор Мамытаты Вахтанг куыд банысан кодта, афтæмæй хъæууонхæдзарадон машинæтæ аразæг ООО «ЮГПРОМ» исы йæхимæ гарантийон хæстæ æрласгæ хъæууонхæдзарадон техникæйы фæдыл.
«Аразæг ма хæстæ исы техникæйы комплектондзинад, куыстхъомдзинад æххæст кæнын æмæ йæ параметрты характеристикæмæгæсгæ.Уыдон фыст сты эксплуатацион документты æнæхъæн гарантийон æмгъуыды дæргъы эксплуатацийы уавæртæ æххæст кæныны рæстæджы», – загъта уый.
Мамытаты Вахтангы ныхæстæм гæсгæ, хъæууонхæдзарадон техникæйы гарантийон лæггад æмæ гарантийон цалцæг кæнынад æххæст кæндзæн сервисон центр æнæаргъæй.
