Джуссойты Константины разамынадæй уыд Хицауады рабадт. Боны фæткы фарстатæ уыдысты Республикæ Хуссар Ирыстоны сæрмагонд ахуырадон организацитæн субсидитæ дæттыны фæтк æмæ Æнæниздзинад хъахъхъæныны министры хæдивæг Сиукъаты Наирæ Садулы чызджы йæ бынатæй ссæрибар кæныны тыххæй.
Хицауады уæнгтæ аскъуыддзаг кодтой 2024 азы 17 апрелы райсгæ «2024 азы иумæйаг райдиан, бындурон иумæйаг, иумæйаг астæуккаг ахуырад райсын сифтонг кæныны нысанæн ахуырадон архайд æххæст кæныны тыххæй бындурон иумæйагахуырадон программæты аккредитаци кæмæ ис, уыцы сæрмагонд иумæйагахуырадон организацитæн Республикæ Хуссар Ирыстоны бюджетæй субсидитæ рахицæн кæныны фæтк сфидар кæныны тыххæй» РХИ-йы Хицауады уынаффæмæ ивындзинæдтæ бахæссын.
Уынаффæйы проект бакуыстæуыд, ахуырадон архайд сæххæст кæныны тыххæй паддзахадон аккредитаци æмæ лицензи кæмæ ис, уыцы сæрмагонд ахуырадон организацитæн субсидитæ радтыны нысанæн, цæмæй куысты хæрдзтæ æмæ ахуыргæнджыты куыстмыздæ бафидой, уый тыххæй.
Хицауады бардзырдмæ гæсгæ, Сиукъаты Наирæ Садулы чызг сæрибар æрцыд Республикæ Хуссар Ирыстоны Æнæниздзинад хъахъхъæныны министры хæдивæджы бынатæй.
Нæ уацх.