«Республикæ Хуссар Ирыстоны Конституцийы 50-æм статьяйы 23-æм пунктмæ æмæ «Республикæ Хуссар Ирыстоны прокуратурæйы тыххæй» Республикæ Хуссар Ирыстоны 2017 азы 10 октябры Закъоны 12 статьяйы 1-аг пунктмæ гæсгæ бавдыст цæуы Собаты Григори Гурамы фырты кандидатурæ Республикæ Хуссар Ирыстоны Генералон прокуроры бынатмæ», – дзырдæуы Гаглойты Аланы фыстæджы Парламенты Сæрдар Æлборты Аланмæ.
Уый размæ Генералон прокуроры бынатмæ Президенты бавдисгæ кандидатурæ фæстæмæ ист æрцыд.
Биографион зонæнтæ:
Собаты Григори Гурамы фырт райгуырд 1981 азы 8-æм январы Знауыры районы Знауыры хъæуы.
Ахуырад – уæлдæр юридикон, 2004 азы каст фæцис Тыбылты Алыксандры номыл Хуссар Ирыстоны паддзахадон университет, квалификаци – юриспруденцийы дæсныйады фæдыл юрист.
Къласон цин – юстицийы уынаффæгæнæг – лæвæрд ын æрцыд 2013 азы 10 январы РХИ-йы Генералон прокуратурæйы бардзырдæй.
Æфсæддон ном – дæлбулкъон.
Фæллойадон архайд:
2000 азы июлæй 2005 азы январмæ – РЦИ-Аланийы Фидауынгæнæн тыхты службæ.
2004 азы ноябрæй 2005 азы февралмæ – РХИ-йы Æфсæддон прокуратурæйы стажер.
2005 азы февралæй 2008 азы маймæ – РХИ-йы Æфсæддон прокуратурæйы фæдагурæг.
2008 азы майæ 2011 азы ноябрмæ – коррупцион здæхты фыдракæндтæ фæдагурыны фæдыл мидхъуыддæгты хайады хистæр фæдагурæг.
2011 азы ноябрæй 2011 азы декабрмæ – финансон-бюджетон æмæ хъалонты фадгуыты закъæттæ æххæст кæныны цæстдарды фæдыл прокурор.
2011 азы декабрæй 2013 азы мартмæ – коррупцион здæхты фыдракæндтæ фæдагурыны фæ-дыл уæлдай ахсджиаг хъуыддæгты фæдыл хайады хистæр фæдагурæг.
2013 азы мартæй 2018 азы апрелмæ – Цхинвалы горæты тæрхондоны тæрхонгæнæг.
2018 азы апрелæй 2022 азы августмæ – РХИ-йы Хъахъхъæнынады министрады службæ.
2022 азы сентябрæй æмæ абоны онг – горæт Цхинвалы прокурор.
