Хуссарирыстойнаг хæдахуыр зарæггæнæг, паддзахадон университеты журналистикæйы факультеты студенткæ Джиоты Любæ рамбылдта Цæгат Ирыстоны национ телеуынынад «Осетия-Ирыстон»-ы вокалон конкурс «Азар Ма»-йы «телекæсджыты симпатиты приз».

Джиоты Любæ куыд зæгъы, афтæмæй йын рамбулын бантыст Хуссар Ирыстоны адæм ыл цы æууæнкдзинад бафтыдтой, уый фæрцы. «Нæ зонын куыд бафтыд мæ къухы ахæм æнтыст. Финалмæ кæй ахиздзынæн, уый дæр мæ зынтæй уырныдта, райдианы. Æппынæдзух мæ фарсмæ чи лæууыд, чи мæ разæнгард кодта, СМС-тæ чи æрвыста ацы уæлахиз у уыдон уæлахиз дæр у. Раст уыцы СМС-тæ аскъуыддзаг кодтой, æз цы призы аккаг сдæн, уый», –  зæгъы Джиоты Любæ.

Уый ма банысан кодта, журналистикæйы дæсныйады æмрæнхъ йæ цард баст кæй у музыкæимæ дæр.

Телекомпани «Осетия-Ирыстон»-ы вокалон телепроект «Азар Ма»-йы финалы уыд 10 зарæггæнæджы. Конкурсы хъæлæсæппæрсты хат-дзæгтæм гæсгæ Джиоты Любæ райста иууыл фылдæр хъæлæстæ æмæ йæ схорзæхджын кодтой «Приз зрительских симпати»-йæ.

Социалон хызæгты Любæмæ æрбацыд бирæнымæц арфæйы телтæ, суанг ма фæсарæйнаг ирæттæй дæр.

Цæгат Ирыстоны национ телеуынынады вокалон конкурс «Азар Ма»-йы уæлахиздзау ссис Годжыцаты Владæ.

Джиоты Любæ конкурсы сæххæст кодта ХИПУ-йы вокалон ансамбль «А вдруг»-ы солисткæХъодалаты Ма-рияйы фыст зарæг «Мæсыг».

Арфæ кæнæм мах дæр нæ фидæны коллегæ Джиоты Любæйæн. Уæт дын æнтыстытæ, уæлахизтæ æфтæд дæ къухты.

УАЗÆГТЫ Марфа

Ацы æрмæджытæ дæр бакæс:

Айларты Эллинæ: «Алцыдæр рауад хорз» СФÆЛДЫСТА АККАГ МУЗЫКАЛОН УАЦМЫСТÆ «Æгас цæуæд ирон тиатр!» Саккаг ын кодтой УФ-йы нывгæнджыты цæдисы уæлдæр хорзæх Нæ зараг чызджыты рæсугъд аивад

Comments are closed, but trackbacks and pingbacks are open.