Президент Гаглойты Алан йæхимæ райста бархионты батальон «Сæрмæт»-ы командир Наниты Владимиры.
2023 азы майæ Наниты Владимиры штурмгæнæг къорд интернационалон бригадæ «Пятнашка»-имæ хайад райста Авдеевкæ ссæрибар кæныны хъуыддаджы.
Сæрмагонд æфсæддон операци уадзыны рæстæджы æфсæддон хæс æххæст кæныны æхсардзинад æмæ хъайтардзинад равдисыны тыххæй, паддзахады сæргълæууæг хæстоны схорзæхджын кодта «Фыдыбæстæ хъахъхъæнæджы» майданæй.
Ныхасы рæстæджы Гаглойты Алан Наниты Владимирæн, афтæ ма батальон «Сæрмæт»-ы хæстонтæн йæ цæст бауарзта фидар æнæниздзинад, æнтыстытæ æмæ фæрныгад.
«Бузныг дын тохы быдыры равдисгæ хъæбатырдзинад æмæ æхсардзинады тыххæй. Ды кад кæныс Ирыстонæн æмæ æппæт ирон адæмæн. Хуыцау зæгъæд, цæмæй тагъд рæстæджы нæ лæппутæ æрыздæхой сæ хæдзæрттæм сæрæгас æмæ æнæнизæй», – загъта Президент.
Банысан кæнын хъæуы, 20 январы Наниты Владимир кæй фæцæф ис: йæ рæуджытæй сæ иуыл сæмбæлд хæстон æрмæджы схъис. Хæстонæн бахъуыд цалдæр операцийы саразын.
