Централон æвзарæн къамисы сæрдар Гæджиты Эмилия фехъусын кодта, зæгъгæ, политикон парти «Рæстдзинады сæрыл», йæ сæрдар Мулдарты Гарри, йæ документтæ балæвæрдта Централон æвзарæн къамисмæ, цæ-мæй депутаттæм кандидатты номхыгъд регистраци æрцæуа, уый тыххæй.
Къуырисæры горæт Цхинвал æмæ Ленингоры районæй Централон æвзарæн къамисæн фехъусын кодтой æмæ сæ документтæ балæвæрдтой, Парламенты депутаттæм кандидаттæй сæхи чи раразмæ кодта, ахæм 12 æмбæстаджы. Уыдон сты: Гуссалты Хох Василийы фырт (горæт Цхинвалы 7-æм æвзарæн округ); Харебаты Валери Клементийы фырт (горæт Цхинвалы 5-æм æвзарæн округ); Тедеты Лери Владимиры фырт (горæт Цхинвалы 3-æм æвзарæн округ); Гæбæраты Аланæ Аланы чызг (горæт Цхинвалы 4-æм æвзарæн округ); Дзуццаты Батрадз Хадзы-Мураты фырт (горæт Цхинвалы 4-æм æвзарæн округ); Дыгъуызты Вадим Емзары фырт (горæт Цхинвалы 9-æм æвзарæн округ); Дзæгъиаты Владимир Владимиры фырт (горæт Цхинвалы 9-æм æвзарæн округ); Тадтаты Алан Тариелы фырт (горæт Цхинвалы 6-æм æвзарæн округ); Джиоты Олег Альберты фырт (горæт Цхинвалы 2-æм æвзарæн округ); Тедеты Сослан Шотайы фырт (горæт Цхинвалы 9-æм æвзарæн округ); Сохъуырты Ибрагим Сергейы фырт (Ленингоры районы 17-æм æвзарæн округ); Икъаты Ибрагим Василы фырт (Ленингоры районы 16-æм æвзарæн округ).
Æвзæрстыты тыххæй РХИ-йы закъонмæ гæсгæ партитæ æмæ иумандатонтæн Централон æвзарæн къамисы сæхи срегистраци кæныны æмæ сæ документтæ бадæттыны тыххæй рæстæг ис 25 апрелы онг.
