«Ростуризм»-ы сæргълæууæг Дыгъуызты Зæринæ ссис преми GQ Super Women лауреат. ТАСС куыд хъусын кæны, афтæмæй уый фæуæлахиз «BOSS Woman. Внутренняя сила» (GQ и BOSS специалон номинацийы).
«Дыгъуызты Зæринæ хъусдард здахы æмæ гом кæны цæстыты нæ бæстæйы исады тыххæй æмæ архайы Уæрæсейы туризмы размæцыды тыххæй. Уый у BOSS сылгоймаджы цæвиттон – сæртæг, фæлæ æнæбауырнгæ мидæггагон тых æмæ индивидуалондзинадимæ», – банысан кодтой премийы организатортæ.
Банысан кæнын хъæуы уый дæр, æмæ ма GQ Super Women премийы лауреаттæ кæй систы 12 сылгоймаджы алыгъуызон фадгуытæй. GQ-йы сæйраг редактор Игорь Гаранины хъуыдымæ гæсгæ, преми æххуыс кæны алыгъуызон фадгуыты кусæг сылгоймаг-минæврæттимæ пайдайы ахастытæ саразынæн ныридæгæн цыппар азы дæргъы.
КОЗАТЫ АННÆ – ТЕЛЕВИЗИОН ОЛИМПИАДÆЙЫ УÆЛАХИЗДЗАУ
Цæгат Ирыстон-Аланийы Заводскоейы поселочы цæрæг, 31-æм астæуккаг скъолайы 11-æм къласы ахуыргæнинаг Козаты Аннæ ссис æппæтуæрæсейон телевизион олимпиадæ «Умницы и умники»-йы уæлахиздзау. Уый тыххæй хъусын кæны ахуырадон уагдоны директор Уарзиаты Зæлинæ.
«Райдианы йæ цæттæ кæнын райдыдта не скъолайы ахуыргæнæг, кæцы дæргъвæтин рæстæджы дæргъы архайдта зæрдæргъæвд чызгимæ æмæ рацыд республикон этап. Чызг у алыварсонæй размæцыд, уый цæгъды ирон фæндырыл, архайы кафджыты, у къласы лидер. Æппæт уыцы азты ахуыр кодта æрмæстдæр фæндзтыл æмæ претензи кæны уæлдай хицæн хуызы аттестат райсынмæ», – банысан кодта ахуырадон уагдоны директор.
Уымæй дарддæр ма, æппæтуæрæсейон телевизион олимпиадæйы призер ссис, уæлахиздзау Козаты Аннæйы æмном æмæ иу мыггагон чызг, кæцы æрæмбырд кодта 100 баллы истори æмæ æхсæнадзонынадæй. Афтæ ма телеалæвæрды финалон этапы хайад иста Дана Кизиева. Банысан кæнын хъæуы уый дæр æмæ чызджытæ кæй архайынц центр «Интеллект»-ы, бацæттæ сæ кодта уæлæмхас ахуырады ахуыргæнæг, историон зонæдты кандидат Сосранты Зæлинæ.
Ныр Аннæйæн йæ бон суыдзæн æнæ ЕГЭ-йы фæстиуджытæй дунеон ахастыты Мæскуыйы паддзахадон институты æнæаргъæй ахуыр кæнын. Ацы стыр æнтысты тыххæй йын раарфæ кодта «Скъоладзауты уæрæсейаг змæлды» регионалон хайад. Йæ минæвæрттæбанысан кодтой, зæгъгæ, ды аккагæй равдыстай нæ республикæйы æмæ афтæмæй сном кодтай дæ радтæг Ирыстонæн.
ХАЙАД ИСЫ КОНКУРСЫ
Дзæджыхъæуккаг иу аздзыд лæппу Абайты Мурат хайад исы «Уæрæсейы иуыл рæсугъддæр лæппу»-йы конкурсы. Ныртæккæ уый ахсы 9-æм бынат «иу азы» категорийы æмæ 69-æм бынат та – æппæт хайадисджыты ‘хсæн.
«Уый у иууыл адджындæр сывæллон, кæцы йæ райгуырдæй фæстæмæ хæссы æрмæстдæр амонд æмæ циндзинад. Йæ мадæн иу æгъуыссæг æхсæв дæр нæ арвитын кодта. Æрмæстдæр æвæрццаг эмоцитæ», фыстæуы конкурсы сайты лæппуйы профайлы, цыран гæнæн ис уымæн хъæлæс радтын.
Æппæтуæрæсейон онлайн-конкурс «Самый красивый мальчик России» уагъд цæуы азы дæргъы иу хатт. Конкурсы сæ бон у хайад райсын райгуырæй 17 азы онг кæуыл цæуы, уыцы лæппутæн. Уæлахиздзаутæ бæрæг цæуынц алы кары категорийы дæр. Онлайн-хъæлæсæппæрст уагъд цæуы 2021 азы 2-æм январæй 25 майы онг. Жюри хъæлæс кæндзæн 27 – 29 майы. Уæлахиздзаутæ фæбæрæг уыдзысты 1-æм июны, Сывæллæтты хъахъхъæныны дунеон боны.
Æрмæг бацæттæ кодта
ДЖИОТЫ Е.
Comments are closed, but trackbacks and pingbacks are open.