Владимир Путины арфæ Гаглойты Аланæн
Арфæйы телы дзырдæуы:
«Цытджын Алан Эдуарды фырт!
Зæрдиаг арфæ дын кæнын Стыр Фыдыбæстæйон хæсты уæлахизыл 79 азы сæххæсты боны цытæн.
Ацы нысаниуæгджын боны мах нæ зæрдыл дарæм æмæ кад кæнæм хæстонтæ-фронтонты æмæ фæсчъылдымы фæллойгæнджыты нæмттæ – уыдон бирæнымæц уды зиæнтты аргъæй ныппырх кодтой нацизм.
Уырны мæ, хæсты рæстæджы фидаргонд æфсымæрон хæлардзинад æмæ кæрæдзийæн æххуыс кæныны аккаг традицитæ фидæны дæр баззайдзысты уæрæсейаг-хуссарирыстойнаг ахастытæ рæзын кæныны хъуыддаджы фидар бындурæй.
Курæг дæ дæн, цæмæй Хуссар Ирыстоны цæрæг ветерантæн зæгъай бузныджы ныхæстæ, афтæ ма æнæниздзинады, фæрныгады æмæ бирæ азты цæрæнбоны арфæтæ».
***
Стыр Фыдыбæстæйон хæсты зынаргъ ветерантæ! Ирыстоны цытджын цæрджытæ!
Зæрдиаг арфæ уын кæнын Стыр Уæлахизыл 79 азы сæххæсты цытæн.
Абон æппæт махæн у рухс бæрæгбон – Стыр Фыдыбæстæйон хæсты немыцаг-фашистон тыхæйисджытыл советон адæмы Уæлахизы бон.
Цыппар азы дæргъы советон адæм фашизмы ныхмæ уæззау тугкалæн хæсты бахъахъхъæдтой сабырдзинады, хæдбардзинады, сæрибарæй цæрын æмæ кусыны фадаты бар. Бирæнацион советон адæм иумæйагæй слæууыд знаджы ныхмæ тохы, равдыстой стыр патриотизм, хъæддыхдзинад æмæ хъайтардзинад. Сæ къухты бафтыд Стыр Уæлахиз æмæ бахъахъхъæдтой Райгуырæн бæстæйы хæдбардзинад, дуне фашистон цагъардзинады æртхъирæнæй сæрибар кæнгæйæ.
Хæсты рæстæджы Ирыстоны цæрджытæ, куыд Советон Цæдисы æппæт адæм, удуæлдайæ тох кодтой хæсты быдыры æмæ куыстой фæсчъылдымы – фронтмæ æрвыстой хъарм дарæс, хæлцад, активон хайад истой танктæ, хæдтæхджыты арæзтадæн æхцайы фæрæзтæ æмбырд кæныны хъуыддаджы.
Ацы Уæлахизы тыххæй мысынад махæй алкæмæн дæр уыдзæн æнусон цæвиттон, æхсардзинад, удуæлдайдзинад æмæ Фыдыбæстæйæн æнувыддзинады цæвиттон. Абон неонацизмимæ тох кæныны æмæ сæрибардзинад хъахъхъæныны сæраппонд слæууыдысты нæ лæппутæ – 1941-1945 азты фронтовикты сывæллæтты сывæллæттæ. Уыдон сæрмагонд æфсæддон операцийы фронты æвдисынц хъайтардзинад æмæ æхсардзинад.
Зынаргъ ветерантæ! Бузныг уын Стыр Уæлахизы, æфсæддон æмæ сабырадон куысты, цардуагон куырыхондзинады æмæ активон æмбæстагон позицийы тыххæй.
Мæ цæст уарзы республикæйы æппæт ветерантæ æмæ цæрджытæн амонд, хорздзинад, циндзинад, æнæниздзинад, бирæ азты дæргъы цæрæнбон, сабыр арвы бын царды фæндиæгтæ æмæ фæрныгад.
Республикæ Хуссар Ирыстоны Парламенты Сæрдар ÆЛБОРТЫ Алан
Афтæ ма РХИ-йы Парламенты Сæрдар Æлборты Алан Стыр Уæлахизы боны цытæн арфæйы телтæ арвыста: УФ-йы Федералон Æмбырды Федерацийы советы сæрдар Валентина Матвиенко, УФ-йы Паддзахадон Думæйы сæрдар Вячеслав Володин, Цæгат Кавказы Ставрополы край, Астраханы областы, Хъырымы Республикæ, Абхаз, Приднестроваг Молдоваг Республикæ, Донецкы Адæмон Республикæ, Луганскы Адæмон Республикæйы Парламентты сæргълæуджытæм, РХИ-йы УФ-йы Уæлвæткон æмæ Æххæстбарджын минæвар Марат Кулахметовмæ.
***
Нæ зынаргъ ветерантæ!
Республикæ Хуссар Ирыстоны Ветеранты советы номæй зæрдиаг арфæ кæнын Стыр Уæлахизыл 79 азы сæххæсты боны цытæн!
9-æм май у иууыл ирддæр, цытджындæр æмæ æцæгæйдæр адæмон бæрæгбон, нæ адæмы хъайтардзинады символ, йæ æнæфæтасгæ хъæддыхдзинад, æфсæддон кад æмæ æхсардзинады бæрæгбон.
Ацы бон мах бузныджы мысæм, хъæбатырæй чи тох кодта Райгуырæн бæстæйы сæраппонд, æхсæвæй, бонæй удуæлдайæ чи куыста фæсчъылдымы, фронтæн æххуыс кæнгæйæ, бæстæ чи æндидзын кодта пырхæнтæй, æппæт уыдоны. Кад кæнæм, Уæлахиз кæй фæрцы бафтыд къухты, уыдонæн. Уадз, Стыр Уæлахизы боны тыххæй мысынад алкæмæн дæр уæд æнусон цæвиттон, æхсардзинад æмæ хъæддыхдзинады хуызæг, уæлдайдæр нæ рæсугъд фæсивæдæн.
Мæ цæст уын уарзы фидар æнæниздзинад, бирæ азты цæрæнбон, уды хъæддыхдзинад æмæ сабыр арвы бын царды фæндиæгтæ.
Бæрæгбоны хорзæх уæ уæд!
Республикæ Хуссар Ирыстоны Ветеранты советы сæрдар ГАГЛОЙТЫ А.Б.
