Хицауады Сæрдар Бекъойты Геннадийы къухдариуæгадæй уагъд æрцыд æмбырд, цыран æруынаффæ кодтой республикæйы цæрæн пунктты санитарон-гигиенон уавæрыл.
Фæлхасгæнджыты бартæ æмæ адæймаджы фæрныгад хъахъхъæныны фадыджы цæстдарды фæдыл Комитеты сæрдары информацимæ гæсгæ, республикæйы æрдз чъизи кæныны процесс æрвылаз дæр тынгдæр кæны æмæ уымæн та зынгæбæрцæй ахъаз кæнынц фæлхасадон æмæ кондадон згъæлæнтæ.
«Комитеты специалисттæ æрвылаз дæр уадзынц басгæрстытæ æппæт республикæйы цæрæн бынæтты санитарон-гигиенон уавæры фæдыл. Афтæ ма пробæтæ ист цæуынц хæдзарадон-цардуагон æмæ канализацион дæттæ мæрмæ цы бынæттæм калынц, уырдыгæй. Цæстдарæн мадзæлтты фæстиуджытæм гæсгæ бæрæг цæуынц, санэпидемиологон домæнтæ хæлд кæй цæуынц, уый», – загъта Коцты Маринæ.
Уый ма банысан кодта, зæгъгæ, районты цæрæн пунктты цæрджытæ, цыран нæй канализацион системæтæ, сæ хæдзæрттæ аразыны рæстæджы сæ канализацион æмæ хæдзарадон-цардуагон дæттæ уадзынц цæугæдæттæм кæнæ та зæхмæ.
Коцты Маринæйы ныхæстæм гæсгæ, æппæт ранымайгæ цухдзинæдтæ сты алфæмблайы чъизи кæныны гуырæнтæ, кæцы фæкарздæр кæндзæн республикæйы эпидемиологон уавæр цæрджыты ‘хсæн алыгъуызон инфекцион низтæй.
Проблемон фарстытыл уынаффæ кæныны хатдзæгтæм гæсгæ Хицауады Сæрдар бахæс кодта районты администрациты сæргълæуджытæн, цæмæй паддзахадон унитарон куыстуат «Водоканал»-имæ санализ кæной районты территорийы уæвæг канализацион системæтæ æмæ сыгъдæггæнæн арæзтæдты уавæрæн, æмæ райсгæ бæлвырдгæнæнты бындурыл саразой уæлæмхас канализацион арæзтæдтæ саразыны фæдыл хыгъд, кæцытæ æнæмæнгхъæуæг сты дон уадзын æмæ сыгъдæг кæнын сорганизаци кæнынæн.
Æмбырды хайадисджытæ загътой сæ хъуыдытæ ацы фарсты фæдыл, уыцы нымæцы, сæ дæттæ биологонæй сыгъдæг кæныны фæдыл бæстыхайы арæзтад.
Уый фæстæ Арæзтад, архи-тектурæ æмæ цæрæнуатон-коммуналон хæдзарады минис-традæн бахæс æрцыд, цæмæй бацæттæ кæной канализацион системæтæ ауадзын æмæ дондзæуæн дæтты биологонæй сыгъдæг кæныны арæзтæдтæ аразыны фæдыл мадзæлтты план æмæ сæ 2021 азы 9-æм июлмæ бавдисой Республикæ Хуссар Ирыстоны Хицауадмæ.
«Алфæмблайы æдасдзинад у паддзахады иумæйаг хæс, æмæ мах хъуамæ алцы дæр саразæм негативон фæстиуджытæ аиуварс кæныны тыххæй. Æнæмæнгхъæуæг у иумæйагæй коммуникацион хызæгты уавæр басгарын æмæ уый бындурыл хъæуæг уынаффæтæ райсын», – банысан кодта Бекъойты Геннади.
Æмбырды æруынаффæ кодтой микрорайон «Московский»-йы канализацион хызæгтæ саразыны фарстыл.
Паддзахадон унитарон куыстуат «Водоконал»-ы къухдариуæггæнæгæн æмæ бæрæг органтæн бахæс æрцыд цыбыр æмгъуыдмæ аскъуыддзаг кæнын проблемон фарст, æмæ куысты фæстиуджыты тыххæй фехъусын кæнын Республикæ Хуссар Ирыстоны Хицауадæн.
Арæзтад, архитектурæ æмæ цæрæнуатон-ком-муналон хæдзарады министрад Геологи, экологи æмæ æрдзæй пайда кæныны Комитетæн бахæс æрцыд иу мæйы æмгъуыдмæ инертон æрмæджытæ бакусыны бацархайой æмæ уый цы бынæтты ист цыд, уыдон среабилитаци кæныны фæдыл хъуыдытæ бавдисын.
Геологи, экологи æмæ æрдзæй пайда кæныны комитеты сæрдар Бестауты Бала æрæмбырдуæвджытæн фехъусын кодта цæугæдон Стыр Леуахийы экологон уавæры тыххæй æмæ хъæугæ мадзæлттæ ауадзыны æнæмæнгхъæуындзинады нысанæн, доны ресурстæ ма раафтид уой, сæйраджыдæр, былгæрæттæ æмæ доны артериты бынтæ сыгъдæг кæнын.
Comments are closed, but trackbacks and pingbacks are open.