Ленингоры районы цæрæнуатон-коммуналон хæдзарады кусджытæ уадзынц цæугæдон Ксаны донбылгæрæттæ фидар кæныны фæдыл куыстытæ. Уый тыххæй фехъусын кодтой районы администрацийы прессслужбæйы.
«Специалистты раз æвæрд ис вазыгджын хæc – уалдзыгон донивылдтытæ цалынмæ нæ райдыдтой, уæдмæ куыстытæ фæуын», – загътой пресс-службæйы.
Районы администрацийы цур цæрæнуатон-коммуналон хæдзарады директор Хацырты Алексейы ныхæстæм гæсгæ цæугæдон Чысаны донбылгæрæттæ фидар кæныны фæдыл куыст у тынг ахсджиаг æмæ актуалон.
«2022 азы тыхджын донивылдтыты фæстæ цæугæдон фехæлдта автомобилон фæндæгты цалдæр километры, доны бын фесты зæххы фадгуытæ, хидтæ дæр дон бахъыгдардта», – зæрдыл æрлæууын кодта Хацыры фырт.
Уый банысан кодта, зæгъгæ, фидæны донивылдтыты фæстиуджытæ фæкъаддæр кæнын къухы бафты тыхджын къæвдатæ, донбылгæрæттæ фидар кæнын æмæ цæугæдæтты донвæдтæ сыгъдæг кæныны монитиронгы фæрцы.
Информацион агентад «Рес»
