Республикæ Хуссар Ирыстоны Президент Бибылты Анатолийы къухдариуæгадæй уагъд æрцыд Хицауады радон рабадт.
Рабадты рæстæджы æруынаффæ кодтой Республикæ Хуссар Ирыстоны паддзахадон æмбæстагон службæйы классон цинтæ паддзахадон æмбæстагон службæгæнджытæн радтыны тыххæй къорд фарстыл: Финансты министрад, Ахуырад æмæ зонады министрад, Æнæниздзинад хъахъхъæнын æмæ социалон рæзты министрад, Юстицийы министрад, Юстицийы министрады паддзахадон регистраци, кадастр æмæ картографийы службæтæ, Юстицийы министрады тæрхондоны приставтæ, Арæзтад, архитектурæ æмæ цæрæнуатон-коммуналон хæдзарады министрад, Экологон, технологон æмæ арæзтадон цæстадарды фæдыл комитет, Геологи, экологи æмæ æрдзæйпайда кæныны фæдыл комитет, Автомобилон фæндæгты арæзтад æмæ эксплуатацийы фæдыл комитет, Хъалонтæ æмæ æмбырдты фæдыл комитет, Информаци æмæ мыхуыры фæдыл комитет, Исады æмæ зæххы фæдыл ахастыты комитет, Паддзахадон статист-кæйы управленийæн.
Эффективон архайды æмæ Президенты уынаффæ сæххæст кæныны нысанæн ма фæндон бахастæуыд, цæмæй сфидар чындæуа Республикæ Хуссар Ирыстоны Культурæйы министрады, Хъалонты æмæ æмбырдты фæдыл комитет æмæ Экологон, технологон æмæ арæзтадон цæстдарды фæдыл комитеты структурæ æмæ штатон нымæц.
Паддзахады сæргълæууæг банысан кодта, зæгъгæ, æппæт райсгæ уынаффæтæ здæхт сты паддзахадон æмбæстагон службæгæнджытæн куыстмызд фæфылдæр кæнынмæ.
«Уынаффæйæн ис социалон характер. Геннади Борисы фырт, хæс дын кæнын ацы здæхтмæ хъус æрдарын, цæмæй паддзахдон бынæтты реестрмæ гæсгæ æдтейæ мачи баззайа. Кусджытæ, кæцытæ сты паддзахадон æмбæстагон службæйы, ма хъуамæ баззайой æнæ къласон цинтæй», – загъта Бибылты Антоли.
Рабадты хайадисджытæ æруынаффæ кодтой бензины аргъ фылдæр кæныны проблемæйыл. Паддзахады сæргълæууæг бахæс кодта Хицауады Сæрдар Бекъойты Геннадийæн æртаг-сæрдæн æрмæджыты аргъ фæкъаддæр кæныны фарстыл бакусын.
«Ацы фарст хъæуы сахуыр кæнын, Уæрæсейы Федерацийы коллегæтимæ баныхас кæнын æмæ бацархайын дизелон æртагы æмæ бензины аргъ 2 сомы фæкъаддæр кæнын», – загъта Президент.
Уый ма радон хатт æрдзырдта, дыууæ кæнæ фылдæр бынæтты кæй кусынц, уыцы проблемæ аскъуыддзаг кæнын.
«Закъонмæ гæсгæ бар нæй, цæмæй паддзахадон службæйы адæймаг куса дыууæ кæнæ фылдæр бынаты. Махмæ ис бирæ специалисттæ, кæцыты хъæуы куыстытæй сифтонг кæнын. Уагъд æрцыд егъау куыст, фæлæ уыцы æмвæзадыл нæ, кæцы уыд закъоны домæнтæм гæсгæ», – загъта Бибылты Анатоли æмæ Хицауады Сæрдар Бекъойты Геннади æмæ Президенты Администрацийы къухдариуæггæнæг Козаты Игорæн бахæс кодта уавæрæн анализ скæнын æмæ фæстиуджытæ фенын кæнын.
Дарддæр уынаффæ цыд боны фæткы уæлæмхас фарстытыл.
Comments are closed, but trackbacks and pingbacks are open.