РХИ-йы Хъæууон хæдзарады министрады сæйраг ветеринарон дохтыр Тедеты Ацæмæз куыд хъусын кæны, афтæмæй уыдон æрæвнæлдтой фосæн алыгъуызон анализтæ аразынмæ. Ацы мадзал уагъд цæуы, цæмæй сбæрæг кæной фос æнæниз сты æви нæ. Фæззæджы кæрдæг хус куы вæййы, уæд бирæ низтæ æнцонтæй бахæцынц фосыл. Уымæн æмæ низ цырынгæнæг микробтæ сæхи зæххмæ æввахсдæр фæласынц. Мæнæ ныр куыд у, афтæ хус рæстæг куы ахæссы, уæд стуртæ хизгæ хизын æнцонтæй сыскъуынынц кæрдæг æд уидæгтæ æмæ афтæмæй аныхъуырынц уыцы микробтæ дæр. Афтæ фæзынынц фосыл сыбыраг хæлмагниз, эмкар æмæ æндæр низтæ. Низ сæйраджыдæр фæзыны ахсæны æмæ цармыл. Царм скъуыбæрттæ вæййы. Ацы низæн афоныл куынæ схос кæнæм, уæд стуры туг фæхъæстæ вæййы. Йæ ныхмæ ис вакцинæ. Уыцы вакцинæ уагъд цæуы Уæрæсейы дæр. Мах æй балхæдтам, цæмæй йæ фосæн рæстæгыл саразæм. Вакцинæ афæдзы фаг у. Иу азмæ стурæн йæ иммунитет сфидар вæййы æмæ йын тас нал у. Ацы низтæй фæрынчынæн. Стурæн фæззæджы йæ иммунитет куы сфидар кæнæм, уæд уалдзæджы дæр иуæй-иу низтæй уыдзæн хызт. Бынæттон ветеринартæ арæх бафæдзæхсынц цæр-джыты, фæлæ бирæтæ ацы хъуыддаг сæ хъусы иувæрсты ауадзынц æмæ рæстæгыл нæ саразын кæнынц вакцинæ. Адæймагмæ æмхиц куыд сты алы низтæ, стурмæ дæр афтæ у. Туджы анализ куынæ саразай, уæд иуæй-иу низтæ æнцон рабæрæггæнæн нæ вæййынц, хатт фæзынынц æнæнхъæлæджы. Адæймагмæ афтæ кæсы, ома, йе стур æнæниз у, фæлæ, гæнæн ис, æмæ йын æнæнхъæлæджы æрбарынчын уа æмæ амæла. Ахæм стуры дзидза хæрынæн нæ бæззы. Ис ахæм низ дæр – эмкар. Уыцы низы микробтæ дæр фæззæджы мæры зымæгиуат рай-дайынц, фæлæ уый хæцгæ низыл нымад нæу. Стуртæй иу куы фæрынчын уа, уæд иннæтæн тас нæу бахæцынæй. Йæ фыццаг симптомтæ сты – фæкъуылых вæййы стур æмæ йын куынæ хос кæнай, уæд цыбыр рæстæгмæ амæлы. Фæлæ йæ ныхмæ ис вакцинæ æмæ йæ стурæн куы саразай, уæд низ фесæфы», – радзырдта Тедеты Ацæмæз.
Прафилактикон мадзæлттæ хъуамæ æххæст цæуой иу афæдзы æмгъуыдмæ. Фос цæмæй рынчын сты æмæ сын цавæр вакцинæтæ кæд арæзт æрцыд, уыцы зонæнтæ та хаст хъуамæ уой биркæмæ, кæцы конд æрцæудзæн фосы хъусыл.
Цæмæй рынчын стурты фыдызгъæл базармæ ма баивæрза, уый тыххæй та саразын хъæуы клеймотæ, Хъæууон хæдзарады министрады зонæнтимæ. Ахæм клеймо цы фыдызгъæлыл уа, уый нысан кæндзæнис – æнæниз кæй у, фæлхасгæнæг цы дзидза хæры, уый.
Фосдарджытæ фыццаджыдæр сæхæдæг хъуамæ уой цырддзаст, цæмæй сæ фос хызт уой алыгъуызон низтæй. Хъæуы сын рæстæгыл вакцинæтæ аразын. Рох нæ ма хъуамæ уа нæ республикæмæ алы низ дæр æнцонæй кæй æрбафты, уымæн æмæ Гуырдзыстоны арæнгæрæтты арæзт æрцыдысты алы-гъуызон лабораторитæ, цыран фæлгъауынц алыгъуызон хæцгæ низты.
Нæ уацх
