Хицауады сæрдары инспекцион азылд
Хицауады сæрдар Джуссойты Константин бабæрæг кодта «Цхинвал-Къостайыхъæу»-ы донуадзæны арæзтад.
Куыд зонæм, афтæмæй доны хъуагдзинад Тъбет æмæ Къостайыхъæутæ рагæй æййафынц. Дон-иу сæм кæддæрты рауагътой, фæлæ-иу бæстон арæзт кæй не ‘рцыдысты, уымæ гæсгæ-иу сæм нал хæццæ кодта.
Тъбет æмæ Къостайыхъæумæ ног доны хахх рауадзыныл рагæй архайдта Цхинвалы районы администраци. Уыцы мадзал хаст æрцыд Инвестпрограммæмæ дæр. Дыууæ къуырийы размæ уыцы куыстытæм бавнæлдта паддзахадон унитарон куыстуат «Водоканал». Донуадзæны дæргъ у æхсæз километры. Абоны онг уал куыстытæн бакодтой се ‘мбисы бæрц.
ПУК «Водоканал»-ы диретор Сиукъаты Иван Хицауады сæрдары базонгæ кодта абоны онг донуадзæны цы куыстытæ конд æрцыд, уыдонимæ; «Боныгъæдтæ нын нæ къух амонынц, нæ куыст нын ницы къуылымпы кæны, кæд афтæ ахæсса, уæд мæйы кæронмæ нæ куыстытæ фæуыдзысты. Æмæ уæд Тъбет æмæ Къостайыхъæуы цæрджытæ æнæ-къуылымпытæй исдзысты дон».
«Цæмæй куыстыты темптæ фæтагъддæр уой, уый тыххæй хъæуы кусджыты дыккаг бригадæ», – загъта Хицауады Сæрдар Джуссойты Константин».
Инспекцион азылды ма хайад райстой арæзтад æмæ архитектурæйы министр Елдзарты Константин æмæ «Комавтодор»-ы сæргълæууæг Гæбæраты Алан.
УАЗÆГТЫ Марфа
***
Хуссар Ирыстоны Премьер-министр республикæйы арæзтцæуæг объекттыл азилыны рæстæджы базонгæ Цхинвалы иууыл вазыгджындæр уынг- Козайы фырты уынджы хæрзарæзтадон куыстыты темптимæ.
Уынгыл сыджытуромæн къулы æмæ къæвдадоны канализацийы арæзтады рæстæджы бæрæг проблемæтæ кæй уыд, уый тыххæй арæзтадон æмгъуыдтæ фæфæстæ сты.
«Ацы уынгæй зынаразæндæр уынг æз никуы федтон», – бахахх кодта Автомобилон фæндæгты комитеты сæргълæууæг Гæбæраты Алан æмæ ма йæ ныхасмæ бафтыдта, зæгъгæ, уынджы цæрджытæ сæ цæхæрадæттыл нæ уадзынц къæвдадоны канализаци.
***
Царзы микрорайоны Гуыбаты æфсымæрты уынгыл ног, сывæллæтты нырыккон цæхæрадоны арæзтадон куыстытæ цæуынц активон темптыл.
Уый тыххæй Хицауды Сæрдар Джуссойты Константинæн фе-хъусын кодта хуссарирыстойнаг арæзтадон фирмæ «Мегаполис»-ы сæргълæууæг Босыкты Олег.
Оледжы ныхæстæм гæсгæ, кæронмæ фæхæццæ кæны бæстыхайы фыццаг уæладзыджы арæзтад.
«Арæзтадон æрмæджытæй æмæ кусæгдыхæй хъуаг не стæм. Леуахийы былгæрæттæ дæр фидар кæнæм. Цæугæдоны раивылдæй хъахъхъæнæг къул дæр бетон кæнæм», – банысан кодта Босыкты Олег.
Инспекцион азылды рæстæджы куыд банысан кодтой, афтæмæй сывæллæтты цæхæрадоны территорийыл арæзт æрцæудзæн аст беседкæйы хъазæн фæзуæттимæ.
Джуссойты Константин æвæрццаг аргъ скодта ног объекты арæзтады темптæн.
Проектмæ гæсгæ сывæллæтты цæхæрадон уыдзæн дыууæуæладзыгон æмæ 160 сывæллонæн. Объект арæзт цæуы Ин-вестицион программæйы фæлгæтты, эксплуатацимæ йæ ратдзысты 2025 азы.
ИА Рес
