Уæрæсейы Федерацийы Президент Владимир Путин Кады орденæй схорзæхджын кодта зынгæ ирон нывгæнæг Чилæхсаты Магрезы фыдыбæстæйон культурæ æмæ аивады рæзтмæ йе стыр хайбавæрды æмæ бирæ азты æнтыстджын архайды тыххæй.
«Æз тынг уарзын мæ професси. Разæнгард мæ кæны аивад, нывкæнынад æмæ ацы здæхты цы аразын æмæ араздзæн æппæт уыдæттæ. Академи каст фæдæн 1974 азы, 18 азы бакуыстон ирон театры сæйраг нывгæнæгæй, иннæ рæстæджы та ахуыргæнæгæй кусын ахуыргæнæндоны æмæ ЦИПУ-йы. Æппæт уыцы рæстæджы дæргъы иу хатт дæр фæсмон никуы фæкодтон мæ равзаргæ профессийы тыххæй, уый мæнæн у куыд уæлдæф, афтæ. Æнæ уый мæ бон цæрын нæу», – загъта Чилæхсаты Магрез.
Чилæхсайы фырт у Уæрæсейы, Цæгат æмæ Хуссар Ирыстоны адæмон нывгæнæг, бирæнымæц премиты лауреат, уыцы нымæцы К.С.Станиславскийы номыл Паддзахадон премийы лауреат дæр. Магрез у зынгæ æмæ уарзондæр нывгæнджытæй иу.
Comments are closed, but trackbacks and pingbacks are open.