Уæрæсейы Федерацийы Президент Владимир Путин Александр Невскийы орденæй схорзæхджын кодта Цæгат Ирыстоны экс-сæргълæууæг Мам-сыраты Таймураз Дзамбе-джы фырты. Уый тыххæй Барамынд мыхуыр æрцыд барадон информацийы официалон порталы. «Пар-ламентаризмы рæзтмæ йе стыр хайбавæрды æмæ йæ активон закъонфæл-дисæн архайды тыххæй Александр Невскийы Орденæй хор-зæхджын æрцæуæд Мамсыраты Таймураз Дзамбеджы фырт Уæрæсейы Федерацийæ сенатор – Республикæ Цæгат Ирыстон-Аланийы паддзахадон хицауиуæгады æххæстгæнæг органы минæвар, хъахъхъæнынад æмæ æдасдзинады фæдыл Федерацийы Советы комитеты уæнг», – дзырдæуы тексты.
Мамсыраты Таймураз Цæгат Ирыстоны сæргълæууæджы бынаты уыд дыууæ æмгъуыды фæд-фæдыл – 2005 азæй 2015 азы онг. 2015 азы сентябрæй у хъахъхъæнынад æмæ æдасдзинады фæдыл Федерацийы советы комитеты уæнг. У политикон зонæдты доктор, 2002 азы бахъахъхъæдта диссертаци ахæм темæйыл: «Уæрæсейаг федерализмы рæзты этнополитикон регионалон проблемæтæ». Хорзæхджын у «Знак почета»-йы орденæй, «За трудовое отличие»-йы майданæй.
Comments are closed, but trackbacks and pingbacks are open.