Амалиуæгадæн – уæрæх фæндаг

Уыд РХИ-йы Хицауады рабадт, кæцыйæн сæрдариуæг кодта Президент Бибылты Анатоли.

Æнæниздзинад æмæ социалон рæзты министрады хæстæ æххæстгæнæг Тотчиты Георги Хицауады уæнгты размæ уынаффæ кæнынмæ рахаста «Æнæмæнг социалон фæдзæхстады бындурты тыххæй» РХИ-йы закъоны проект.

Йæ ныхæстæм гæсгæ закъоны проектыл бакуыстæуыд Республикæ Хуссар Ирыстоны социалон фæдзæхстады æмæ пенсион ифтонгады паддзахадон фонд саразыны нысанæн.

«Фонд саразыны сæйрагдæр нысæнттæ сты рæстæгмæ æнæкуыстхъомдзинады æмæ маддзинады рæстæджы æнæмæнг социалон фæдзæхстады иууон системæ саразын, кондады æнамонд цауты æмæ профессоналон низты тыххæй æнæмæнг социалон æмæ пенсион фæдзæхстад, кæцы здæхт у Республикæ Хуссар Ирыстоны æмбæстæгты домæнтæ æххæст кæнынмæ», – бамбарын кодта Тотчиты Георги.

Фонд саразын скъуыддзаг кæны ахæм хæстæ, куыд Республикæ Хуссар Ирыстоны закъæттæ æмæ æндæр барадон актты бындурыл фонды комплексон нормативон барадон бындур саразын, æнæкуыстхъомдзинады, æнхъæлцауы рæстæджы æмæ сывæллоны райгуырды тыххæй пенситæ æмæ пособитæ сфидар кæнын æмæ фидын, сылгоймæгтæн иурæстæгон æххуыс фидын сывæллоны райгуырды фæстæ, сывæллонмæ кæсыны тыххæй æрвылмæйон пособи фидын æмæ æндæр социалон лæггæдтæ.

Тотчиты Георги ма уынаффæ кæнынмæ рахаста «РХИ-йы социалон фондмæ фæдзæхстадон фиддонты тыххæй», «Рæстæгмæ æнæкуыстхъомдзинады æмæ маддзинады  рæстæджы æнæмæнгхъæуæг социалон фæдзæхстады тыххæй», «Кондады æнамонд цаутæй æмæ профессоналон низтæй æнæмæнгхъæуæг социалон фæдзæхстады», «Республикæ Хуссар Ирыстоны хицæн закъондæттынадон акттæм ивындзинæдтæ бахæссыны æмæ Республикæ Хуссар Ирыстоны закъондæттынадон актты хицæн уагæвæрдты архайд æруромын банымайыны тыххæй»  РХИ-йы закъæтты проекттæ. Уыдоны иууылдæр хорзыл банымадтой Хицауады уæнгтæ.

Дарддæр Республикæйы экономикон рæзты министр Тадтаты Дзамболат радзырдта «Республикæ Хуссар Ирыстоны чысыл æмæ астæуккаг амалиуæгады субъектты льготон кредиткæнынады тыххæй «РХИ-йы закъонмæ ивындзинæдтæ бахæссыны тыххæй. Йæ ныхæстæм гæсгæ «Республикæ Хуссар Ирыстоны чысыл æмæ астæуккаг амалиуæгады субъектты льготон кредиткæнынады тыххæй» РХИ-йы закъонмæ ивындзинæдтæ бахæссыны тыххæй» РХИ-йы закъоны проект, цæмæй иуварс æрцæуой «Республикæ Хуссар Ирыстоны чысыл æмæ астæуккаг амалиуæгады субъектты льготон кредиткæнынады тыххæй» РХИ-йы Закъон æмæ «Республикæ Хуссар Ирыстоны чысыл æмæ астæуккаг амалиуæгады рæзты тыххæй» 2010 азы 21 июлы райсгæ РХИ-йы закъоны æхсæн ныхмæдзыдтæ. Уымæн æмæ чысыл æмæ астæуккаг амалиуæгады субъектты æвзарын æмæ сын æххуыс кæныны уавæртæ бæлвырд кæнынц чысыл æмæ астæуккаг амалиуæгады субъектты рæзты паддзахадон программæтæ.

Закъоны проектмæ гæсгæ йæ тых сафы 9-æм статьяйы I-аг хайы 5-æм пункт, кæцымæ гæсгæ къуындæгдæр кæны чысыл æмæ астæуккаг амалиуæгады субъекты бар льготон кредит 1 500000 сомæй фылдæр райсыны тыххæй», – загъта Тадтаты Дзамболат.

Бибылты Анатоли банысан кодта, зæгъгæ, чысыл æмæ астæуккаг бизнесæн æххуысæн фæрæзтæ, гæнæн ис æмæ фæфылдæр уой 80 милуан сомы онг.

Кæд æмæ фыццаг азты чысыл æмæ астæуккаг амалиуæгады льготон кредиткæнынадæн ахъаз кæныны фонды суммæ уыд 20-21 милуан сомы, уæд ныр та у 50 милуан сомы бæрц. Ныфс мæ ис, амалиуæггæнджытæн æххуыс кæныны фадæттæ кæй рæздзысты. Зæгъæн ис, фидæн азы ацы нысæнттæн рахицæн кæй æрцæудзæнис 80 милуан сомæй фылдæр», – банысан кодта Президент.

Рабадты скъуыддзаг æрцыд, цæмæй  Хицауады резервон фондæй рахицæн æрцæуа æхцайы фæрæзтæ 100 мин сомы Дзауы районы Хуыцъейы хъæуы Гæззаты Ахмæты бинонтæн материалон æххуыс бакæныны тыххæй, кæцыйæн зынгсирвæзты рæстæджы басыгъд йæ хæдзар.

«Уый бинонтæн у трагеди. Зынгсирвæзты фæстиуæгæн басыгъдис æппæт йæ исад. Хицауад ын, кæй зæгъын æй хъæуы, хъуамæ баххуыс кæна», – загъта Бибылты Анатоли.

Хицауад ма 5 милуан сомы январы мæйæн рахицæн кодта «Сырх зонæйы» чи куыста, уыцы медиктæн, афтæ ма Дзау æмæ Цхинвалы районты медицинон уагдæтты кусджытæн дæр.

Паддзахады сæргълæууæг бахæс кодта, цæмæй 5 апрелмæ бавдисой ахыгъдтæ марты мæйæн æмæ «сырх зонæйы» кусæг медиктæ рæстæгыл райсой сæ бафыстытæ.

Нæ уацх.

 

***

Республикæ Хуссар Ирыстоны Хицауады Сæрдар Бекъойты Геннадийы къухдариуæгадæй уагъд æрцыд Республикæ Хуссар Ирыстоны паддзахадон æмбæстагон службæйы системæ реформæ кæныны фарстыты фæдыл æмбырд. Хайад дзы райстой горæты æмæ районты администрациты æмæ æндæр профилон службæты сæргълæуджытæ.

Æмбырды хайадисджытæ æруынаффæ кодтой проблемон фарстытыл, кæцытæ фæзындысты паддзахадон æмбæстагон службæйы рæзты фæдыл мадзæлтты план реализаци кæныны рæстæджы.

Районты æмæ горæты администрациты сæргълæуджытæн бахæсгонд æрцыд 2021 азы 2-æм апрелы æмгъуыдмæ Юстицийы министрадмæ æрбавдисын æмбæстагон службæйы бынæтты классификаци кæныны фæдыл актуалон информаци, уыцы нымæцы паддзахадон æмбæстагон службæгæнджыты æмæ административон-хæдзарадон æмæ техникон персоналы тыххæй.

«Бакуыстгонд цæуынц паддзахадон æмбæстагон службæйы персоналæн управлени фæхуыздæр кæныны фæдыл фæндæттæ. Алы районы алы сæргълæууæгæн дæр бахæс  æрцыд, цæмæй бакусой æмæ бæлвырдгæнæн зонæнтæ бавдисой æмбæлон паддзахадон органмæ», – загъта Бекъойты Геннади.

 

***

Бекъойты Геннадийы къухдариуæгадæй уагъд æрцыд Хицауады рабадт, цыран æруынаффæ кодтой æмæ сфидар кодтой ивындзинæдтæ «Цæрæнуатон-коммуналон лæггæдты тарифты паддзахадон бæстонкæнынады фæдыл æнцонвадат цæрæнуатон-коммуналон лæггæдтæ сифтонг кæныны нысанæн цæрджытæн паддзахадон æххуысы хицæн мадзæлтты тыххæй» Республикæ Хуссар Ирыстоны Хицауады 2020 азы 23 декабры №86 Уынаффæйы.

Хицауады Сæрдары хæдивæг – экономикон рæзты министр Тадтаты Дзамболат куыд банысан кодта, афтæмæй Уынаффæйы проект хаст æрцыд техникон рæдыдтытæ сраст кæныны нысанæн – архайгæ Уынаффæйы нысангонд реквизиттæ раст амынд кæй не сты, уый.