Арæзтад æмæ архитектурæйы министр Зæгъойты Эдуардæн æрæджы цы пресс-конференци уыд, уым радзырдта 2019 азы февралы мæйы Æхсæнхицауадон рабадты дзырд кæй цæудзæнис 2020 азы Инвестпрограммæмæ хаст объекттыл.

Журналисттæ цымыдис кодтой Зонкъары ГЭС-ы арæзтад хаст æрцæудзæн æви нæ Инвестпрограммæмæ.

Уый фæдыл министр банысан кодта, зæгъгæ, республикæ электроэнерги æмæ газ æгасæйдæр исы Уæрæсейы Федерацийæ. Фæлæ, хъыгагæн, вæййы афтæ дæр æмæ æрдзон котоклизмты аххосæй къуылымпыдзинæдтæ кæй вæййы, уыдонæй ифтонгады. Мах æвдисæн уыдыстæм ивгъуыд аз республикæ æртæ боны дæргъы æнæ электроэнергийæ куы баззад уыцы цауæн.

Куыд зонæм, афтæмæй ГЭС саразыны фарст раздæр дæр актуалон уыд. 2012 азы дæр хаст æрцыд Хуссар Ирыстоны социалон-экономикон райрæзтæн ахъазгæнæг программæмæ, фæлæ социалон нысаниуæгджын æмæ æндидзынгæнæн куыст ахсджиагдæрыл кæй нымадтой, уый тыххæй схауд Инвестицион программæйæ. Ацы арæзтад ахсджиаг кæй у, уымæ гæсгæ хуынд æрцыдысты Санкт-Петербурджы «Межотраслевое научно-техническое объединение ИНСЭТ»-йы хуыздæр специалисттæ. Уыдон лæмбынæг сахуыр кодтой Стыр Леуахи æмæ Чысыл Леуахийы цæугæдæттыл гидрогенерацийы объекттæ саразыны фадæттимæ баст фарстатæ. Æркастысты Зонкъары донмарæнмæ дæр æмæ æрцыдысты ахæм хатдзæгмæ: Чысыл Леуахийы цæугæдон приоритетон у ГЭС саразынæн. Уымæй дарддæр ма специалисттæ банымадтой æппæт куыстыты аргъ кæй лæууы 500 милуан сомы.

Уымæ гæсгæ Санкт-Петербургæй æрцæуæг специалисттæ куыд загътой, афтæмæй. Зонкъары чысыл гидроэлектростанц арæзт куы æрцæуа, уæд дæтдзæнис 8 мегаватт электроэнерги, уый та у республикæйы цæрджытæ цы электроэнерги хардз кæнынц, уымæн йæ иу æртыккаг хай.

Кæй зæгъын æй хъæуы, уый стыр ахъаз уыдзæнис нæ республикæйы экономикæйæн. Дзырд дæр ыл нæй Уæрæсейæ цы электроэнерги исæм, уый хатыргонд æргътæм гæсгæ кæй æлхæнæм, уымæ гæсгæ Цæгат Ирыстонæй мах уавæртæ хуыздæр сты. Фæлæ фидæны махæн хъуамæ уа нæхи ГЭС.

Ныртæккæ мах стыр хæрдзтæ кæй бахъæудзæн арæзтадыл, уый аххосæй нырма фадат нæй Зонкъары  ГЭС  саразынæн.  Ахæм хъуыдыйыл хæст сты Æхсæнхицауадон къамисы уæнгтæ дæр. Уыцы фарст боны фæткæй ист не ‘рцыд, фæлæ æргъæвд æрцыд фæстæдæрмæ.

Уазæгты Марфа

Ацы æрмæджытæ дæр бакæс:

БИБЫЛТЫ АНАТОЛИ БАБÆРÆГ КОДТА БАЗАЛЬТЫ ЗАВОДЫ АРÆЗТАД Default ThumbnailЦæмæй электроэнерги исæм æнæкъуылымпыйæ Электроифтонгады къуылымпытæ нал уыдзæн Пайда нæ уыдзæн Зонкъары донæмбырдгæнæныл электростанц саразын Лев Кузнецов: «Горæты арæзтцæуæг объекттæй иуæй-иутæ дзуапп нæ дæттынц æмбæлон нормæтæн»

Comments are closed, but trackbacks and pingbacks are open.