Республикæйы Мидхъуыддæгты министрады пресс-службæ куыд фехъусын кодта, афтæмæй Хуссар Ирыстоны Фæсарæйнаг хъуыддæгты министрады кусджытæ хайад райстой Евразиаг бæстæты дипломатты форумы, кæцы ауагъдæуыд Хæххон-Алтайскы фестиваль «Манжерок»-ы фæзуатыл.
Мадзалы организатортæ уыдысты Уæрæсейы Федерацийы Мидхъуыддæгты министрады Æвзонг дипломатты совет, Россотрудничество, парти «Единая Россия» æмæ Республикæ Алтайы хицауад.
Форумы куысты хайад райстой 80-йæ фылдæр адæймаджы 13 бæстæйæ, уыцы нымæцы Уæрæсе, Абхаз, Сомихстон, Беларус, Казахстан, Хъыргъыстан, Молдави, Таджикистан, Узбекистан, Китай æмæ Сирийы минæвæрттæ.
Форумы программæйы, кæцыйы темæ бæрæг æцыд куыд «Ног бирæполярон дунейы дипломати» (Дипломатия нового многополярного мира), ис Стыр Евразийы бæстæты ‘хсæн æмахастыты актуалон фарстаты фæдыл къорд экспертон сессийы ауадзын. Сессийы темæтæ сты: Евразиаг экономикон цæдисы тыгъдады æмгуыстад сфидар кæныны, Стыр Евразиаг партнерондзинад саразын, «фæлмæн тых» рæзын кæ-нын, санкциты уавæрты размæцыды ног тæппытæ агурын.
Видеобастдзинады руаджы мадзалы хайадисджытæн раарфæ кодта Уæрæсейы Фæсарæйнаг хъуыддæгты министр Сергей Лавров. Уый банысан кодта, зæгъгæ, хæлæрттимæ, æмцæдисонтимæ æмæ Евразийы æмхъуыдыгæнджытимæ конструктурон, æнтыстджын æмкуысткæнынад у Уæрæсейы æнæмæнг приоритет.
Форум у Уæрæсейы Фæсарæйнаг хъуыддæгты министрады реализацицæуæг концепци «горизонталон дипломати»-йы ирд цæвиттон, кæцы здæхт у æвзонг дипломатты, хицауиуæгады минæвæртты æмæ экспертты æнæформалон ахастыты тыххæй фæзуæтты хызæг райрæзын кæнынмæ. Йæ нысан у æууæнчы атмосферæ æмæ хæларадон бæстæты æддагполитикон ведомствоты æвзонг кусджыты ‘хсæн кæрæдзиæмбарынад фидар кæнын.
