Президент Гаглойты Аланы сæргълæудæй делегацийы сконды сты Хицауады Сæрдары хæдивæг æмæ Экономикон рæзты министр Тадтаты Дзамболат, Уæрæсейы Федерацийы Республикæ Хуссар Ирысоны Уæлвæткон æмæ æххтæстбарджын минæвар Гасситы Знауыр, Уæрæсейы Федерацийы Республикæ Хуссар Ирыстоны Базарадон минæвар Таймураз Гогинов.
Форумы фæлгæтты Уæрæсейы Федерацийы субъекттимæ уагъд æрцыд базарадон-экономикон, зонад-техникон æмæ социалон-культурæты фадгуыты сразыдзинæдтыл къухтæ æрфыссын. 14 июны Президент Гаглойты Алан фембæлд Омскы областы губернаторы хæстæ рæстæгмæ æххæстгæнæг Виталий Хоценкоимæ. Дыварсон ахастытыл æрныхасы фæстæ РХИ æмæ Омскы област базарадон æмæ сæудæджерадон-техникон æмгуыстады фæдыл бафыстой сразыдзинады документ.
«Омскы област Хуссар Ирыстонмæ ласы машинæарæзтады продукци, афтæ ма каучук, резинæ æмæ хæдзары дзаумæттæ (мебель). Абонæй фæстæмæ уыцы номхыгъды уыдзысты хоры культурæтæ дæр. Регионалон хъæууонхæдзарадон министрадæн бахæс кодтон фарстмæ лæмбынæг æркæсын», – загъта Виталий Хоценко.
Президент Гаглойты Алан 14 июны фембæлд Республикæ Никарагуайы делегациимæ. Президент Даниэль Ортегайы уынаффæгæнæг, УФ-имæ æмархайды фæдыл сæрмагонд минæвар Лауреано Факундо Ортега Мурильо у Никарагуайы делегацийы сæргълæууæг.
Фембæлды рæстæджы Гаглойты Алан раарфæ кодта Даниель Ортега æмæ æппæт никарагуайаг адæмæн, Хуссар Ирыстон банымайыны сæ æнæфæивгæ позицийы тыххæй, æмæ загъта: «Хуссарирыстойнаг адæмы зынаргъ хæларæн, Даниель Ортегайæн æмæ æппæт никарагуайаг адæмæн мæ фæнды зæгъын зæрдиаг арфæйы ныхæстæ».
Луреано Ортега фехъусын кодта Хуссар Ирыстоны Президентæн форумы кæй ис Никарагуайы Хицауады минæвæрттæ æмæ уыдон цæттæ кæй сты æмгуыстады фæдыл æппæт фарстатыл æрдзурынмæ. «Мах цæттæ стæм нæ бæстæты ‘хсæн æппæт фадгуыты ахастытæ рæзын кæнынмæ», – загъта Лауреано Ортега.«Дунейы цæуæг процесстæ æндавынц æппæт паддзахадтыл, уыимæ Никарагуайыл дæр. Мах стæм дунейон уагæвæрд ивыны æвдисæнтæ. Мах ныртæккæ фидар кæнæм æмахастытæ ахæм бæстæтимæ, куыд Уæрæсе, Китай. Евроазиатион экономикон цæдисимæ, БРИКС-ы паддзахадтимæ, арабаг æмæ африкайнаг бæстæтимæ, Централон Америкæйы паддзахадтимæ. Мах æнувыдæй кусæм, цæмæй ацы дунейы уой партнерондзинад æмæ тыхты баланс. Æмæ мах хъуамæ иумæ кусæм нырыккон дунейы мультиполярондзинадыл. Мах хъуамæ кæрæдзийæн æххуыс кæнæм. Уырны нæ, Хуссар Ирыстонимæ нын кæй ис тынг стыр потенциал нæ ахастыты рæзты хъуыддаджы», – кæронбæттæны загъта Ортега.
Ацы форум у дунейы иууыл маштабондæр æмæ ахсджиаг хъуыддагон цаутæй сæ иу. 25 азы дæргъы форум райста сæйраг дунеон фæзуаты статус глобалон экономикæ æмæ хуыздæр дунеон практикæтæ æмæ нысæнтты фарстатæ æруынаффæ кæнынæн, фидар рæзт сифтонг кæныны нысанæн.
1997 азæй райдайгæйæ форум уагъд цæуы æрвылаз. 2005 азæй форум уагъд цæуы Уæрæсейы Федерацийы Президенты патронаты бын æмæ йæ хайадистимæ.
Ныртæккæ æхсæнадæмон экономикон форумы хайад исынц 17 мин адæймаджы. Уыдон дзурынц раст дунейы бындурыл,суверенон рæзты тыххæй – ахæм у сæйраг темæ. Цæгатаг столицæмæ æрцыдысты 130 бæстæйæ минæвæрттæ. Китай, Индия, Арабаг дуне, Латинаг Америкæ, Африкæ, Хуссар-Скæсæн Ази. Уый у æппæт ныгуылæн скептиктæн дзуапп, цæмæй йæ уыной – Уæрæсейы изоляцийы ныфс мифологон у.
Форумы сæйраг цау уыдзæн Владимир Путины ралæуд. Хъуыддагон программæ у уæрæх. Уый дих у темæтыл. Уыдоны нымæцы, зæгъæм, «Мировая экономика в эпоху глобальных перемен» æмæ «Выстраивание технологического суверенитета». Цыппар боны дæргъы уагъд æрцæудзæн 150 мадзалы: хъуыддагон фембæлдтытæ, дискусситæ, бирæ миллиардон сразыдзинæдтыл къухтæ æрфыссынтæ, проекттæ æппæт Уæрæсейæ, уыдоны нымæцы ног регионтæй дæр.
