Цхинвалы районы Арцеуы хъæуы цытджын æгъдауæй байгом сты медицинон амбулатори æмæ тренажерон зал, – фехъусын кодта районон администрацийы пресс-службæ.
2017 азы хъæуы цæрджытимæ Республикæйы Президент Бибылты Анатоли æмæ Хицауады Сæрдар Пухаты Эрикимæ фембæлды рæстæджы Президент ныфс бавæрдта, зæгъгæ, æппæтдæр сараздзысты, цæмæй ам арæзт æрцæуа ног амбулаторийы бæстыхай. Паддзахады сæргълæууæг Хицауадæн бахæс кодта, цæмæй ацы фарст тагъд рæстæджы аскъуыддзаг кæной.
Уый размæ ацы фарст уыд Пухаты Эрикы контролы бын. Æххæсткæнынады хицауады бынæттон органтæ æрæвнæлдтой арæзтадон куыстытæм фидауынгæнджыты штабы зæронд агъуысты.
«Ныртæккæ уый у ног дыууæуæладзыгон бæстыхай. Ам ис квалификациджын специалисттæ, медицион кусджытæ, кæцытæ, куы бахъæуа, уæд цæттæ сты фыццаг æххуыс бакæнынмæ, уый тыххæй сын ис æппæт уавæртæ дæр. Æппæтхъæуæг хостæ райсынц рæстæгыл æмæ æххæстæй. Объект байгом кæныны церемонийы фельдшер Гобозты Майя æрымысыд, уыдон куыд куыстой зæронд, æрдæгпырх агъуысты, цыран кусыны уавæртæ нæ уыд. Уый бузныджы ныхæстæ загъта Бибылты Анатолийæн, йæ ныхас кæй сæххæст кодта, æмæ ныртæккæ медиктæн сæ бон кæй у медицинон æххуыс кæнын цæрджытæн æмбæлон уавæрты», – загътой пресс-службæйы.
Бæстыхайы дыккаг уæладзыджы та сарæзтой Арцеуы хъæуы фæсивæдæн тренажерон зал.
Ныр фæсивæдæн фадат уыдзæн сæ сæрибар рæстæг æрвитынæн. Спортивон инвентары иу хай æлхæд æрцыд парти «Иууон Ирыстон»-ы æххуысæй. Спортивон залæн ма ноджыдæр балхæдтой ног тренажертæ.
Дыккаг уæладзыджы ма тренажерон залæй дарддæр фæнд кæнынц актон зал æмæ дарæс-ивæн саразын.
Цхинвалы районы администрацийы сæргълæууæджы хæстæ æххæстгæнæг Бибылты Валерийы ныхæстæм гæсгæ, объекты æппæт куыстытæ фæуыдзысты ацы аз майы мæйы.
«Актон зал уыдзæн 50 адæймагæн. Ам уыдзæн хинайæн, телевизор. Æз ныфс бавæрдтон фæсивæдæн, кæй сæ сифтонг кæндзынæн ноджыдæр тренажерон инвентарæй», – загъта Бибылты Валери.
Comments are closed, but trackbacks and pingbacks are open.