ВЛАДИМИР ПУТИН: РАКЕТÆ «САРМАТ» СИФТОНГ КÆНДЗÆН УÆРÆСЕЙЫ ÆДАСДЗИНАД

2022 азы 20-æм апрелы Уæрæсейы Федерацийы Хъахъхъæнынады министрад фехъусын кодта Архангельскы областы космодром «Плесецк»-æй  æхсæнконтиненталон ракетæ «Сармат»-ы фыццаг фæлварæн ауагъды тых-хæй. Ведомствойы бæрæггæнæнтæм гæсгæ «Сармат»-ы фæлварæнтæ æххæст æрцыдысты æнтыстджынæй. Ахуыргæнæн æфсæддон блоктæ æрбадтысты Камчаткайы æрдæгсакъадахы Курайы полигоны, ома кæм хъуамæ æрбадтаиккой, уым. Уый у классикон маршрут уæрæсейаг æхсæнконтиненталон баллистикон ракетæты фæлварæнтæн. Бæрæг куыд у, афтæмæй ракетæтæ «Сармат» фидæны перспективæйы суыдзысты гиперзæлон базырджын хæстон блоктæ «Авангард» хæсджытæ, кæцытæн сæ тагъдад у 27 зæлы тагъдады. «Ног уæрæсейаг æхсæнконтиненталон баллистикон ракетæ «Сармат»-æн дунейы нырма бирæ рæстæджы нæ уыдзæн аналогтæ æмæ ахъуыды кæнын кæндзæн Уæрæсемæ чи æртхъирæн кæны, уыдоны», – загъта УФ-йы Президент Владимир Путин. Йæ ныхæстæм гæсгæ ахæм ракетæ саразын æввахсдæр азты йæ бон никæмæн суыдзæн. Æмæ кæддæр куы саразой, уæдмæ та, дам, нæ лæппутæ дæр иуран нæ баддзысты æмæ та уæдмæ сараздзысты æндæр ракетæ. Паддзахады сæргълæууæг арфæйы ныхæстæ загъта комплекс саразджытæн.

 

ХÆСТОН ИФТОНГАД

УФ-йы Хъахъхъæнынады министрады куыд фехъусын кодтой, афтæмæй йæ развæдгæнджыти-мæ абаргæйæ «Сармат»-æн радикалонæй уæрæхдæр æрцыд хæстон ифтонгады диапазон куыд блокты нымæцмæ гæсгæ, афтæ фæлгонцтæм гæсгæ дæр, уыцы нымæцы гиперзæл дæр. Ног ракетæйæн йæ бон у стыр дæрддзæджы нысæнттæ ныццæвынæн, атахты алыгъуызон траекторитæй спайда кæнгæйæ, афтæ йын ис уникалон характеристикæтæ, кæцытæ комплексæн фадат дæттынц цахæмфæнды уæвæг æмæ ПРО-ты перспективон системæты сæрты ахизынæн. Абоны бон «Сармат» у иууыл хъомысджындæр ракетæ нысæнттæ ныццæвыны тыххæй. Ракетæ бæрæг фæтыхджындæр кæндзæн Уæрæсейы стратегион ядерон тыхты хæстон хъомысад.

 

УÆЗЗАУ КЪЛАСЫ ÆХСÆНБАЛЛИСТИКОН РАКЕТÆ

«Сармат» у уæззау къласы стратегион ракетон комплекс. Ахæм иу ракетæйы уæз у 200 тоннæйæ фылдæр. Стратегион нысаниуæджы ракетон æфсæдты командир Сергей Каракаевы ныхæстæм гæсгæ, «Сармат»-ы фыццаг полк хæстон радгæсад хæссын райдайдзæн 2020 азы кæрон Красноярскы крайы. Уый банысан кодта, зæгъгæ, абон Краснодары крайы Ужурскы ракетон дивизийы куыст цæуы ацы ракетæты фыццаг полкæн инфраструктурæ бацæттæ кæныныл.

 

«САРМАТ»-Ы АИШ-ÆН СХУЫДТОЙ СÆЙРАГ РАКЕТОН ТÆССАГДЗИНАД

Хуыцау бахизæд, фæлæ ядерон конфликты рæстæджы ракетон комплекс «Сармат» уæлдай стырдæр тæссагдзинад уыдзæн ныхмæлæууæгæн, – загъта йæ хъуыды æфсæддон-политикон анализы бюройы къухдариуæггæнæг Александр Михайлов. Йæ ныхæстæм гæсгæ, Зæххыл нæй иунæг ахæм бынат дæр, кæцыйы нæ ныццæвдзæн «Сармат». Йæ тактикон-техникон характеристикæтæм гæсгæ ракетон комплекс «Сармат»  у уникалон. Эксперт куыд банысан кодта, уымæ гæсгæ Уæрæсейæн конкуренци саразын сæ бон у æрмæстдæр АИШ æмæ Китайæн. «Ядерон конфликты цауы рæстæджы ракетæ ахиздзæн АИШ-ы ракетæты ныхмæ хъахъхъæнынады системæйы сæрты. «Сармат»-æн йæ бон у АИШ-ы  сæудæджерадон, экономикон æмæ социалон капитал скуынæг кæнын ядерон сырх хæххытæй куы рахиза, уæд. «Сармат» у дунейы иунæг æфсæддон ракетæ, кæцыйæн йæ бон у  18 мин километры дæрддзæгæн нысан ныццæвын», – банысан кодта Михайлов.

Ракетæ «Сармат»-ы ныридæгæн америкæйæгтæ схуыдтой дыккаг «Сатана». Бритайнæгтæ фæтарстысты, æмæ фæаххосджын кодтой премьер-министр Борис Джонсоны, зæгъгæ, йе ‘мбæстæгтæй аразы мысæнттæ.