Цы ис хӕрзвадат, алцӕмӕй дӕр ифтонг горӕты цӕрынӕй хуыздӕр, адӕймаг дзы фӕисы ӕхцондзинад. Фӕлӕ 2008-ӕм азы августы хӕсты нӕ чысыл уарзон горӕт пырх ӕмӕ дӕрӕн ӕрцыд ӕмӕ йӕ бакастӕй адӕймаджы зӕрдӕ уынгӕг кодта. Фӕлӕ иугӕр нӕ зӕхмӕ сабырад куы ӕрхӕццӕ, уӕд ӕрӕвнӕлдӕуыд уыцы хъӕдгӕмттӕ бадзӕбӕх кӕнынмӕ. Ацы хӕрзиуӕгон хъуыддагмӕ уӕлдай тынгдӕр хъусдард здӕхтӕуы фӕстаг рӕстӕджы ӕмӕ уый та алы адӕймаджы зӕрдӕйы уагыл дӕр ӕндавы хорзӕрдӕм. Хисӕрмагонд пырх хӕдзӕрттӕ ӕндидзын кӕнын, ног цӕрӕн бынӕттӕ аразын, горӕты уынгтӕ схӕрзарӕзт кӕнын, кӕлӕддзаг мӕнгагъуыстытӕ аиуварс кӕнын ӕмӕ ӕндӕр ахӕм ахсджиаг ӕмӕ ӕнӕмӕнг-хъӕуӕг куыстытӕ ӕвӕрццагӕй ӕндавынц Цхинвалы аивдзинадыл.
Бӕрӕг куыд у, афтӕмӕй цалдӕр азы размӕ бавнӕлдӕуыд Заводы уынг схӕрзарӕзт кӕнынмӕ. Ацы бынат къорд азты дӕргъы уыд тынг мӕгуырау уавӕры, нӕ уыд асфальтгонд, сси цадбадӕн ӕмӕ уымӕ гӕсгӕ зындзинӕдтӕ ӕвзӕрстой канд фистӕгӕйцӕуджытӕ нӕ, фӕлӕ ма автотранспорты хицӕуттӕ дӕр. Цӕрджы-тӕй алчи дӕр банкъардта стыр ӕхсызгондзинад, асфальт кӕнынмӕ йӕм куы бавнӕлдтой, уӕд. Фӕлӕ зӕгъын хъӕуы, уынг кӕронмӕ хӕрзарӕзт кӕй не ‘рцыд ӕмӕ уыдӕтты аххосӕй, автостанцмӕ цӕуӕг адӕм тынг тыхстысты. Уавӕр бахынцыдтой ӕмӕ уынджы иннӕ хай дӕр асфальтгонд ӕрцыд ацы бонты прораб Лолоты Захары разамындӕй. Ӕдӕппӕт дзы ӕнӕзӕрдӕхудтӕй бакуыстой 12 ӕндӕр ӕмӕ ӕндӕр дӕсныйады арӕхстджын кусджытӕ, уыцы ны-мӕцы мастер Пухаты Джони, тракторист Мӕхъиты Ацӕмӕз, грейдерист Быценты Азӕмӕт, асфальтнӕмӕг техникӕйыл кусӕг Хуыбиаты Людвиг, кусджытӕ Чугуты Ӕхсар, Хӕбӕлаты Раул, Танделаты Мырзӕ ӕмӕ ӕндӕртӕ.
Хуыбиаты Никъала
Comments are closed, but trackbacks and pingbacks are open.