Республикæ Хуссар Ирыстоны Президенты цур Хетæгкаты Къостайы номыл паддзахадон премийы фæдыл къамис хъусын кæны

Республикæ Хуссар Ирыстоны Президенты цур Хетæгкаты Къостайы номыл Паддзахадон премийы фæдыл къамис хъусын кæны, 2019 азæн Хетæгкаты Къостайы номыл Паддзахадон преми райсыны тыххæй конкурсмæ литературæйы, аивады, публицистикæйы, ирон филологийы æмæ историон зонæдты фæдыл уагъд кæй æрцыдысты ахæм кандидатурæтæ.

I. Литературæйы фадыджы

1. Хъазиты Мелитон Резойы фырт, райгуырд 1948 азы, фыссæг, Ирыстоны фысджыты цæдисы æмсæрдар, литературæзонæг, филологон зонæдты кандидат, доцент, Хетæгкаты Къостайы номыл премийы лауреат. Хетæгкаты Къостайы номыл преми райсынмæ размæгонд æрцыд йæ ахæм чингуыты тыххæй: «Æрвон комулæфт» (Цхинвал «Цыкура» 2018 аз», «Историйы азхынцæг» (Цхинвал «Цыкура» 2019 аз), пьесæ «Фатимæ» (Цхинвал «Цыкура» 2018 аз).

Раразмæгæнæг организаци – Тыбылты Александры номыл Хуссар Ирыстоны паддзахадон университет (ирон литературæйы кафедрæ).

2. Чехойты Оля Суликъойы чызг, райгуырд 1946 азы, поэтессæ, Уæрæсейы фысджыты цæдисы уæнг.

Преми райсыны фæдыл размæгонд цæуы йæ чингуытæ «Нæ Иры зæринхур, Къоста!» (Цхинвал, 2017 аз), «Дæуыл хæст дæн, «Ирон Фæндыр!» (Цхинвал, 2017 аз), «Ты мне дана, «Осетинская лира» (авторский перевод) (Цхинвал, 2017 аз), «Хетæгкаты Къостайæн ( йæ райгуырды 160 азы бонмæ)» (Цхинвал, 2019 аз) тыххæй

Раразмæгæнæг организаци – журнал «Фидиуæджы» редакци æмæ РЦИ-Аданийы фысджыты иумæйагуæрæсейаг æхсæнадон организци «Литературное сообщество писателей России»-йы регионалон хайады правлени.

3. Кокойты Эльзæ Никъалайы чызг, райгуырд 1957 азы, поэтессæ æмдзæвгæты 7 æмбырдгонды автор, Ирыстоны фысджыты цæдисы уæнг, Джусойты Нафийы премийы лауреат.

Преми райсынмæ  размæгонд æрцыд йе ‘мдзæвгæты æмбырдгæндтæ «Нарты лæппу» æмæ «Царды цинтæ»-йы тыххæй.

Раразмæгæнæг организаци-Анахарсисы номыл Националон республикон библиотекæ, йе ‘вварс рахæцыд РХИ-йы Культурæйы министрад.

II. Аивады фадыджы

1. Дзуццаты Тамерлан Ефимы фырт, райгуырд 1965 азы, Хетæгкаты Къостайы номыл Хуссар Ирыстоны паддзахадон драмон театры аивадон къухдариуæггæнæг, РХИ-йы аивæдты сгуыхт архайæг.

Преми райсынмæ размæгонд æрцыд йæ режиссерон куыст Хетæгкаты Къостайы поэмæмæ гæсгæ æвæрд  спектакль «Фатимæ»-йы тыххæй. 

Раразмæгæнæг организаци-Паддзахадон телерадиокомпани «Ир», газет «Республикæ»-йы редакци æмæ Уацамонгæйы ордены кавалерты цæдис.

2. Æлборты Ирбег Баграты фырт, райгуырд 1945 азы, РХИ-йы адæмон нывгæнæг.

Преми райсынмæ размæгонд æрцыд йæ ахæм куыстыты тыххæй: «Хетæгкаты Къоста Леуаны фырты уацмыстыл иллюстрацитæ» (22 графикон куысты, сæ гуырахст 50Х70) æмæ «Нарты Кадджытыл иллюстраци» (5 графикон куысты, сæ гуырахст 50Х70).

Раразмæгæнæг организаци – Республикæ Хуссар Ирыстоны нывгæнджыты цæдис.

3. Уалыты Нино Отары фырт, райгуырд 1975 азы, РХИ-йы сгуыхт артисткæ, РХИ-йы аивæдты сгуыхт архайæг, адæмон инструменты паддзахадон орекстр «Айзæлд»-ы аивадон къухдариуæггæнæг.

Преми райсынмæ размæгонд цæуы оркестримæ ирон фæндырæн музыкалон композици «В горах»-ы тыххæй.

Раразмæгæнæг организаци- РХИ-йы культурæйы министрад.

4. Бекъойты Алан Къучукы фырт, райгуырд 1963 азы, РХИ-йы сгуыхт нывгæнæг.

Преми райсынмæ  размæгонд цæуы «Джусойты Нафийы мемориалон цырты тыххæй (байгом 2019 азы 27 июны).

Раразмæгæнæг организаци-РХИ-йы Ныв-гæнджыты цæдис.

5. Хуыбиаты Роберт Хаджумары фырт, райгуырд 1959 азы, РХИ-йы сгуыхт нывгæнæг.

Преми райсынмæ  размæгонд цæуы йæ куыстыты тыххæй: «Хахет. Боль Осетии» (2018 аз), «Осень в Осетии», «Бюст В.А.Икаеву» (2019 азы 28 майы).

Раразмæгæнæг оргназици-РХИ-йы Нывгæнджыты цæдис.

III. Публицистикæйы фадыджы

1. Хъуылымбегты Роберт Петры фырт, райгуырд 1964 азы, РХИ-йы сгуыхт журналист, историон зонæдты кандидат.

Преми райсынмæ размæгонд цæуы йæ ахæм чингуыты тыххæй «Южная Осетия. От прошлого к настоящему» (Цхинвал, 2017 аз) æмæ «Южная Осетия. Год за Годом» (Цхинвал, 2018 аз).

Раразмæгæнæг организаци-РХИ-йы Журналистты цæдис.

2. Преми райсынмæ размæгонд цæуы журнал «Фидиуæг».

Раразмæгæнæг организаци – Информаци æмæ мыхуыры фæдыл паддзахадон комитет.

IV.Ирон филологийы фадыджы

1. Дзабиты Зарбег Петры фырт, райгуырд 1938 азы, филологон зонæдты кандидат, профессор, РХИ-йы зонæдты сгуыхт архайæг.

Преми райсынмæ размæгонд цæуы йæ чиныг «Ирон æвзаджы фразеологон дзырдуат», 2-аг рауагъдад баххæстгондæй (Дзæуджыхъæу, 2018 аз. Чиныг мыхуыры рацыд РХИ-йы ахуырад æмæ зонады уынаффæмæ гæсгæ).

Раразмæгæнæг организаци – Тыбылты Александры номыл Хуссар Ирыстоны паддзахадон университет.

2. Дзиццойты Юри Альберты фырт, райгуырд 1961 азы, филологон зонæдты кандидат, доцент.

Преми райсынмæ размæгонд цæуы йæ ахæм чингуыты тыххæй: «Вопросы осетинской филологии» 1-аг хай (Цхинвал, 2017 аз» æмæ «Памятники аланского языка и письма» (М., 2016 аз).

Раразмæгæнæг организаци – Уанеты Захары номыл Хуссар Ирыстоны зонад-иртасæн институт.

V. Историон зонæдты фадыджы

1. Дзугаты Къоста Георгийы фырт, райгуырд 1956 азы, филологон зонæдты кандидат, доцент, РХИ-йы зонæдты сгуыхт архайæг, Кавказы тематикæйы фæдыл номинаци «История»-йы (2013 аз) хуыздæр чиныджы Æппæт-уæрæсейаг конкурсы лауреат.

Преми райсынмæ размæгонд цæуы йæ монографи æртæ чиныгæй конд «Понятие «окна возможности применительно к интеграционно-воссоединительному процессу Осетии (1927-1921, 1925, 1936 гг.)»-ы тыххæй (Цхинвал, 2017-2018 азтæ).

Раразмæгæнæг организаци – Уанеты Захары номыл Хуссар Ирыстоны зонад-иртасæн институт.

2. Гаглойты Юри Сергейы фырт, райгуырд 1934 азы, историон зонæдты кандидат, профессор, РХИ-йы зонæдты сгуыхт архайæг, РХИ-йы Хетæгкаты Къостайы номыл премийы дыууæ хатты лауреат.

Преми райсыны фæдыл размæгонд цæуы йæ зонадон куыстыты æмбырдгонд «Нарты и Аланы»-йы тыххæй (Цхинвал, 2017 аз).

Раразмæгæнæг организаци – Уанеты Захары номыл Хуссар Ирыстоны зонад-иртасæн институт, Тыбылты Алыксандры номыл Хуссар Ирыстоны паддзахадон университет.

Къамис ма хъусын кæны, зæгъгæ, Хетæгкаты Къостайы номыл Паддзахадон преми райсынмæ раразмæгонд чи æрцыдысты, уыдоны мыхуыр уацмыстимæ базонгæ уæвæн ис Хуссар Ирыстоны зонад-иртасæн институты библиотекæйы кæсæн залы. Преми райсынмæ цы куыстытæ размæгонд æрцыдысты, уыдоны тыххæй ныммыхуыргæнæн ис дзыллон информацийы фæрæзты, кæнæ та сæ бадæттын РХИ-йы Президенты цур Хетæгкаты Къостайы номыл Паддзахадон преми райсыны фæдыл къамисмæ.

Хетæгкаты Къостайы номыл паддзахадон премийы фæдыл къамис

г.Цхинвал, 2019 азы 27 август