Цытджын æмзæххонтæ!
1989 азы 23 ноябры зæрдылдарæн боны, ацы бынаты ирыстойнаг лæппутæ слæууыдысты, Цхинвалмæ афтæ хуыйнæг «сабыр митинг» аразынмæ цы гуырдзиаг националисттæ æрбацыдысты, уыдоны ныхмæ.
Хуссар Ирыстоны хорз æмбæрстой, уый цы нысан кодта. Цхинвалы ничи цæттæ кодта йæхи горæт хъахъхъæнынмæ. Адæм рацыдысты æмæ слæууыдысты æнæхуынд уазджыты ныхмæ. Горæтмæ æрбацæуыны ныхмæлæуд уыд дыууæ суткæйæ фылдæр, фæлæ изæры 24 ноябры æнæхуынд уазджытæ райдыдтой фæстæмæ цæуын.
Нæ лæппуты диссаджы æхсардзинад фадат радта тугкалд ма æруадзынæн. Уыцы бонты адæм æрбангомдæр сты, банкъардтой Фыдыбæстæйы æмæ сæрибардзинады сæраппонд Хуссар Ирыстоны æппæт адæмы иудзинад. Хуссар Ирыстон банкъардта иудзинад æмæ национ сæрыстырдзинады тых.
1989 азы 23 ноябры бон нæ адæмæн ссис иттæг ахсджиаг бон. Уый республикæйы историмæ бацыд æнустæм, ссис Фыдыбæстæйы сæрибардзинад æмæ хорздзинад ба-хъахъхъæнынмæ чи слæууыд, уыцы адæмы иудзинады æмæ æхсардзинады символ. Мах хъуамæ бахъуыды кæнæм æмæ кад кæнæм, абоны бон кæй фæрцы цæрæм сабыр арвы бын, æппæт уыдоны.
Æрвылаз мах кад кæнæм æмæ бузныджы ныхæстæ дзурæм Хуссар Ирыстоны аккаг фырттæн. Уыдон равдыстой егъау хъæддыхдзинад æмæ æхсардзинад агрессоримæ æнæмсæр тохы, бахъахъхъæдтой нæ зæххы сабырад æмæ сæрибардзинад.
Æрмæстдæр æрбангом уæвгæйæ, Фыдыбæстæйы сæраппонд иумæйаг нысанæй иугондæй махæн нæ бон у нæ интерестæ хъахъхъæнын æмæ Ирыстоны дидинæфтыды сæраппонд нæ бæстæ бахъахъхъæнын.
Джиуæргуыбайы хорзæх уæ уæд, Ирыстоны адæм!
Республикæ Хуссар Ирыстоны Президент ГАГЛОЙТЫ Алан
Ацы æрмæджытæ дæр бакæс:
Президенты арфæ
Республикæ Хуссар Ирыстоны хæдбардзинад банымайыныл 12 азы сæххæсты цытæн цытджын æмбырды Президент Бибылты Анатолийы раныхас
Республикæ Хуссар Ирыстоны Президент Бибылты Анатолийы раныхас 2018 азы 20-æм сентябры Республикæйы боны цытæн æфсæддон парады
Арфæтæ Фыдыбæстæ хъахъхъæнæджы боны цытæн
Республикæ Хуссар Ирыстоны Президент Тыбылты Леониды раныхас Æхсардзинады æмæ адæмон иудзинады боны сæраппонд цытджын æмбырды
