Нæ республикæйы Президент Бибылты Анатоли рынчындоны бабæрæг кодта Мидхъуыддæгты министрады кусджыты, кæцытæ Цхинвалы районы Залдайы хъæуы фыдгæнджыты æрцахсыны спецоперацийы рæстæджы фæцæфсты.
Дыууæ милиционерæн дæр сæ уавæр у стабилон-уæззау.
Паддзахады сæргълæууæг Æнæниздзинад хъахъхъæныны министр Тотчиты Георгийæн бахæс кодта, цæмæй фæцæфуæвджытæн хос кæнынæн алыгъуызон æххуыс бакæной, куы бахъæуа, уæд УФ-йæ æрхоной специалистты.
«Куыдфæндыйæ дæр лæппутæ сæ къахыл хъуамæ слæууын кæнат. Ахæм кусджытæй мах хъуамæ уæм сæрыстыр», – загъта уый.
Тотчиты Георги йæхирдыгæй банысан кодта, зæгъгæ сæм ис хос кæнынæн сæ цы медикаменттæ æмæ препараттæ хъæуы, уыдон.
Бибылты Анатоли ма ныхас кодта пациентты хиуæттимæ дæр.
Comments are closed, but trackbacks and pingbacks are open.