РХИ-йы Президент Бибылты Анатоли Хицауады уæнгтимæ ауагъта æмбырд Уæрæсейы Федерацийы Президент Владимир Путинимæ фембæлды фæстиуджыты фæдыл.
Æмбырды хайад райстой Хицауады Сæрдар Пухаты Эрик, Хицауады Сæрдары хæдивæг – экономикон рæзты министр Бекъойты Геннади, финансты министр Хæбæлаты Азæ, Арæзтады министр Зæгъойты Эдуард, юстицийы министр Лалыты Залинæ.
Бибылты Анатоли банысан кодта, зæгъгæ, Мæскуыйы фембæлды рæстæджы уынаффæ цыдис къорд фарстатыл.
«Уæрæсейы Федерацийы Президентимæ фембæлды рæстæджы æруынаффæ кодтам Хуссар Ирыстон æмæ Уæрæсейы æмархайдмæ хауæг фарстатыл. Уыдон аххæссыдысты практикон æгъдауæй æппæт къабæзтыл дæр, ивгъуыд азты Инвестицион программæйы реализаци-йæ райдайгæйæ радон æртæ азæн Инвестпрограммæ, таможнæйыл уæзтæ æмæ товартæ ласыны фарстатæ, Рукъы тъунелыл резервон эл-ектроадæттæн хахх ауадзын, афтæ ма паддзахадон службæйы фæдыл бадзырдтæ æмæ Республикæ Хуссар Ирыстоны бюджетон кусджытæ æмæ паддзахадон службæгæнджытæн сæ куыстмыздтæ фæфылдæр кæнын. Уымæ гæсгæ абон мах хъуамæ æруынаффæ кæнæм æппæт ацы фарстатыл æмæ бакусæм сæ сæххæст кæныны механизм-тыл», – загъта Бибылты Анатоли.
Президент ма æмбырды хайадисджытæн радзырдта УФ-йы Хицауады, Президенты Ад-министрацийы æмæ Экономикон рæзты ми-нистрады йын цы кусæгон фембæлдтытæ уыд,уыдоны тыххæй дæр.
«Уæрæсейы ног хицауад ныридæгæн ак-тивонæй кусы Хуссар Ирыстонмæ хауæг фарстатыл, бакуыстæуыд механизмтыл æмæ ныр хъæуы бацæттæ кæнын Æхсæнхицауадон къамисмæ.
Уæрæсейы Федерацийы Сæрдары хæдивæг Марат Хуснуллинимæ фембæлд уыдис иттæг æнтыстджын, Владимир Путинимæ цы темæтыл уынаффæ кодтам, уыдоны ахсджиагдзинад æмбаргæйæ. Æмæ Марат Шакирзаяны фырты æрдыгæй дæр ис фæндæттæ æмархайд кæныны фæдыл.
Нæхирдыгæй фарс мах хъуамæ саразæм æппæт дæр, цæмæй реализаци æрцæуой УФ-йы Президенты Администрацийы къухдариуæггæнæджы хæдивæг Дмитри Козак æмæ УФ-йы Экономикон рæзты министрадимæ æмархайды снысангонд плæнттæ æмæ æппæт уыцы процессты архайдмæ бакæнæм», – банысан кодта Президент.
Comments are closed, but trackbacks and pingbacks are open.