Пухаты Эрик схорзæхджын кодта уæрæсейаг медикты

Пухаты Эрик хицауадон хорзæхтæй схорзæхджын кодта Уæрæсейæ æрхонгæ специалистты, кæцытæ сæрмагонд хайбавæрд бахастой Республикæ Хуссар Ирыстоны цæрджытæн медицинон æххуыс сорганизаци кæныны хъуыддагмæ .

Хицауады Сæрдар бузныг загъта, республикæйы æнæниздзинад хъахъхъæныны системæмæ сæрмагонд хайбавæрд чи бахаста, уыцы уæрæсейаг специалисттæн. Уыдонæн æй бафæндыд æнтыстытæ сæ дарддæры архайды.

«Æнæниздзинад хъахъхъæныны фадыджы ахсджиаг куысты, хъуыддагмæ бæр-нон æмæ сфæлдыстадон ахасты, æнæниздзинад хъахъхъæныны фадыджы хорз идейæты тыххæй уын зæгъын бузныджы ныхæстæ. Æхсызгон мын у, ахæм цæсгомджын æмæ хъуыддагыл æнувыд адæймæгтæ кæй ис, уый. Уадз, алы хатт дæр фæндондзинад æмæ уæ куыстуарзондзинад  кæнæд ног æнтыстытæм, снысангонд нысæнттæм», – банысан кодта Пухаты Эрик.

Республикæ Хуссар Ирыстоны Кады грамотæйæ хорзæхджын æрцыд эндоскопийы фадыджы медицинон æмæ консультативон лæггæдты специалист Илья Суровцев, Республикæ Хуссар Ирыстоны Хицауады Грамотæйæ та хорзæхджын æрцыдысты сывæллæтты реаниматологи-анестезиологийы фадыджы медицинон æмæ консультативон лæггæдты специалист Артем Осипов   æмæ сывæллæтты психоневрологийы фадыджы медицинон æмæ консультативон лæггæдты  специалист Эдуард Амерханов.

Медицинон æмæ консультативон лæггæдты тыххæй Республикæ Хуссар Ирыстоны Хицауады Бузныджы гæххæтт лæвæрд æрцыд клиникон æмæ лабораторон диагностикæйы специалист Наталья Селищевайæн.

Хорзæхтæ дæттыны церемонийы хайад райста Æнæниздзинад хъахъхъæнын æмæ социалон рæзты министр Тотчиты Георги.