РХИ-йы Президент Бибылты Анатоли ауагъта æмбырд Республикæ Хуссар Ирыстон æмæ Уæрæсейы Федерацийы æхсæн социалон-экономикон æмгуыстады фарстаты фæдыл.

Уæрæсейы фарсæрдыгæй рабадты хайад райстой УФ-йы Экономикон рæзты министрады, рухсады министрады, Фæллойы министрады, Ахуырад æмæ зо-нады министрады, Æнæниздзинад хъахъхъæныны министрады, æнæниздзинад хъахъхъæнын организаци кæнын æмæ информацийы централон зонад-иртасæн институт, организаци æмæ информатизацийы централон зонадон иртасæн институты æмæ Гнесинты номыл музыкæйы уæрæсейаг академийы минæвæрттæ.

Хуссарирыстойнаг фарсæрдыгæй та æмбырды хайад истой Хицауады Сæрдар Бекъойты Геннади, Хицауады Сæрдары хæдивæг – экономикон  рæзты министр Тадтаты Дзамболат, Президенты Паддзахадон уынаффæгæнæг Пухаты Эрик, ахуырад æмæ зонады министр Гасситы Натали, Арæзтад, архитектурæ æмæ цæрæнуатон коммуналон хæдзарады министр Зæгъойты Эдуард, культурæйы министр Зассеты Жаннæ, финансты министр Хæбæлаты Азæ æмæ æнæниздзинад хъахъхъæныны æмæ социалон рæзты министры хæстæ æххæстгæнæг Тотчиты Георги.

Хуссар Ирыстонмæ æрцæуæг уæрæсейаг делегацийы сæргъ лæууыд УФ-йы экономикон рæзты министрады специалон  программæтæ æмæ проекты депортаменты директор Витали Гудин.

Æмбырды уынаффæ цыдис социалон-экономикон рæзтæн ахъазгæнæг Инвестицион прог-раммæ реализаци кæныны фарстатыл.

Бибылты Анатоли бузныджы ныхæстæ загъта уæрæсейаг делегацийы уæнгтæн, 2015 æмæ уый фæстæ азты къухтæ цы бадзырдыл æрфыстæуыд, уыдон реализаци кæныны хъуыддаджы æнтысгæ æмгуыстады æмæ эффективон фæстиуджыты тыххæй.

«Мах хъæуы стыр куыст бакæнын, къухтæ кæуыл хъуамæ æрфыссæм, уыцы сразыдзинæдты фæдыл. Цæмæй бюджетон организациты кусджыты куыстмыздтæ скæнæм Цæгат Кавказы цас сты, уыцы æмвæзадмæ. Куыст, кæй зæгъын æй хъæуы, гуырахстджын у. Хъæуы алкæмæн дæр саргъ кæнын, абарын æмæ бæрæг бадзырдтæм рахизын. Æмбæлон министрадтæ æмæ ведомствотæ цæттæ сты æппæт уыцы фарстатыл иумæ æруынаффæ кæнынмæ. Ныфс мæ ис, уынаффæ ист кæй æрцæудзæн æмæ нæ разы цы нысæнттæ æвæрæм, уыдон æххæст кæй æрцæудзысты. Махæй алкæмæндæр мæ цæст уарзы æнтысгæ эффективон куыст», – загъта Бибылты Анатоли.

Дарддæр æмбырды хайадисджытæ æрывнæлдтой боны фæткы фарстатыл лæмбынæгæй æруынаффæ кæнынмæ.

Ацы æрмæджытæ дæр бакæс:

Бакæнгæ куыстытæ æмæ дарддæры плæнттæ Республикæ хъуамæ цæрдхъом уа æнæ искæй æххуысмæ æнхъæлмæ кæсгæйæ Рæстæгыл æмæ гъæдджынæй Ныхас В. Путинимæ фембæлды фæстиуджытыл Инвестицион программæ æххæст æрцыд 100 процентæй

Comments are closed, but trackbacks and pingbacks are open.