Президент Бибылты Анатоли фембæлд, социалон цæрæнуат райсынмæ рады цы æмбæстæгтæ лæууынц, уыдонимæ, кæцытæ разы нæ уыдысты сты горæт Цхинвалы администрацийы цур цæрæнуатон фарстыты фæдыл Æхсæнадон къамисы цæрæнуат радтыны уынаффæйыл.
Фембæлды хайад райстой горæт Цхинвалы администрацийы сæргълæууæг Коцты Алан, йæ хæдивæг, горæт Цхинвалы администрацийы цур цæрæнуатон фарстыты фæдыл Æхсæнадон къамисы сæрдар Джиоты Эндрик æмæ къамисы æндæр уæнгтæ, кæцытæ сты республикæйы алыгъуызон министрадты æмæ ведомствоты минæвæрттæ, Хуссар Ирыстоны Парламенты депутаттæ.
Фембæлды райдиан Бибылты Анатоли банысан кодта, зæгъгæ, къамис саразыны нысан уыд коррупци, æмæ цæрæнуат æнæрас-тæй радтыны уавæртæ аиуварс кæныны тыххæй.
«Ацы къамис саразынæй иуварс цæуы искæмæн гæртам радтын. Æз дæн социалон цæрæнуат æр-гомæй æмæ растæй радтыны принципыл. Кæд уæ ам исчи нымайы, кæмæндæр раст нæ радтой фатер, кæнæ та уæ искæмæ ис коррупцийы тыххæй бæлвырдгæнæнтæ, уæд æз цæттæ дæн уымæ байхъусынмæ», – загъта паддзахады сæргълæууæг.
Къамисы алы уынаффæ дæр, кæцытæ æмбæстæгтæ æмæ æвзæрын кодта фарстытæ, æвзæрст æрцыдысты хицæнтæй. Рады лæу-джытæй сæ иу Хъуылымбегты Эдуард домы цæрæнуатон уавæртæ фæхуыздæр кæныныл, растыл нæ банымадта йæ иухатæнон хæдзар ын дыууæхатæноныл кæй баивтой, уымæн æмæ бинонты ис фондз адæймаджы.
Джиоты Эндрик банысан кодта, зæгъгæ, йæ бинонтæ кæй фæфылдæр сты, уымæ гæсгæ йын къамис йæ уынффæ фæивта æмæ йæм ныр æмбæлы æртæхатæнон фатер.
Хъуылымбегты Эдуард бадис кодта, абоны онг уымæн кæй нæ фехъусын кодтой къамисы уынаффæйы тыххæй.
Дменисы хъæуы цæрæг равдыста йæ æнæразыдзинад, горæт Цхинвалы Гуыбаты æфсымæрты уынгыл бирæхатæнон хæдзары иухатæнон фатер радтыны уынаффæйыл. Къамисы сæргълæууæг банысан кодта, зæгъгæ, ахæм уынаффæ хаст æрцыд, уымæн æмæ куырдиат бадæттæгæн йæ лæппутæй иу Дменисы хъæуы раздæры рæвдауæндоны бæстыхайы хатæнтæ бацахста, иннæ лæппу та хæдзар аразы, уымæ гæсгæ социалон цæрæнуат хицæн æрцыд æрмæстдæр бинонтæй хæдзар кæмæн нæ уыд, уымæн.
Президент банысан кодта, цæрæнуат хицæн цæуы æрмæстдæр уыдонæн, абоны бон цæрæнуат кæмæн нæй.
«Бирæтæ раст не ‘мбарынц цæрæнуат радтыны системæ. Цæ-рæнуат хицæн цæуы, сомбон йæ сывæллæтты æмæ йæ сывæллæтты сывæллæты цæрæнуатæй сифтонг кæнын кæй фæнды уыдонæн нæ, фæлæ абоны бон реалонæй хæдзар кæмæн нæй, уыдонæн», – загъта Бибылты Анатоли.
Уыимæ иумæ паддзахады сæргълæууæг, загъта, зæгъгæ, баххуыс кæндзæн куырдиатбатæттæджы лæппутæй сæ иуæн хæдзар аразынæн.
Цæрæнуатон къамис цæрæнуæттæ нæ рахицæн кодта ахæм бинонтæн, кæцытæ регистраци сты горæт Цхинвалы æмдзæрæндоны.
Парламенты депутат Медойты Дзамболат банысан кодта, зæгъгæ, къамисы уæнгтæ сбæрæг кодтой, куырдиатбадæтджытæ кæй цæрынц Громы хъæуы сæрмагонд хæдзары. Депутаты ныхæстæм гæсгæ, хæдзар ис хорз уавæры.
Иу фарсты фæдыл Бибылты Анатоли банысан кодта къамисы æнæ-логикон уынаффæ, кæцы нæ сæххæст кодта куырдиат бадæттæгы домæн рады ногæй слæууыны тыххæй, кæцыйæн зæхх ауæй кæныны фæстæ, закъонмæ гæсгæ, фæцис æнæмæнгхъæуæг фондзазон æмгъуыд. Президент æрдомдта Къамисы уæнгтæй куырдиатмæ ногæй æркæсын.
Фембæлды рæстæджы ма æруынаффæ кодтой лигъдæтты рады сæвæрыны фарстыл, кæцытæн фадат нæй горæт Цхинвалы сæхи ныффысынæн. Куырдиатбадæттæджы ныхæстæм гæсгæ, уый бирæ азты дæргъы цæры кæйдæр хæдзары.
«Кæд ахæм уавæр сæвзæрд æмæ дæуæн дæ бон нæу рады слæууын цæрæнуат райсыны тыххæй, кæцы хъæуы дæу æмæ дæ сывæллæтты, уæд уæ æз ныффысдзынæн мæ фатеры, уый фæстæ уын нæ уыдзæн ныхдуртæ, цæмæй уæ къамис сæвæра рады», – загъта Бибылты Анатоли.
Фембæлды рæстæджы æркастæуыд 40 куырдиатмæ.
Президент æрæмбырдуæвджытæн радзырдта республикæйы бирæхатæнон цæрæнуатты арæзтады тыххæй, сæ радтыны æмгъуыдтыл æмæ ныфс бавæрдта, ног цæрæнуатон фонд ныфс кæй дæтты Хуссар Ирыстоны бирæ æмбæстæгты проблемæ æввахс рæстæджы аскъуыддзаг кæнынæн.
Comments are closed, but trackbacks and pingbacks are open.