10-ӕм февралӕй 17-æм февралмæ Хуссар Ирыстоны территорийыл фыдракæнд не ‘рцыдис. Планон рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 197 фӕткхалӕн цауы. Уыдонӕй 3 уыдысты нозтджынӕй машинӕ скъӕрыны цаутӕ.
Ӕхсӕнадон фӕтк фехалыны фӕстиуӕгӕн бӕрндзинадмӕ конд ӕрцыдысты дыууæ адӕймаджы.
Милицийы экономикон фыдракӕндтӕ ма ӕруа-дзыны управленийы кусджытӕ нӕ республикӕйы аф-текты рейдон мадзӕлттӕ ауадзыны фӕстиуӕгӕн сконфискаци кодтой Гуырдзыстоны уагъд медицинон препараттӕ, куыд «Вальтарен», «Флюколд N», «Крестор», «Гемораль», «Колхури», «Tolarin plus» æмæ æн-дæртæ. РХИ-йы Хицауады Уынаффӕмӕ гӕсгӕ 2007 азӕй фӕстӕмӕ нӕ республикӕйы территорийыл уӕй кӕныны бар нӕй гуырдзиаг медицинон препараттӕн.
Нæ горæты 23-аздзыд цæрæг Хъоцыйы фырты уынгæй Джиоты Аланы проспектмæ азилæны нæ са-рæхст йæ автомашинæ «Honda Fit» скъæрын, фе-хæлдта фæндагон фæткойтæ æмæ сæмбæлд æндæр автомашинæ «Porsche Cayenne»-ыл.
Цхинвал-Ленингоры фæндагыл Хъанчаветы хъæуы Ленингоры поселочы 47-аздзыд цæрæг нæ сарæхст йæ автомашинæ «Mersedes-benz» скъæрын æмæ ахауд фæсвæд. Аварийы фæстиуæгæн шофыр алыгъуызон цæфтимæ бахауд республикон рынчындонмæ.
Comments are closed, but trackbacks and pingbacks are open.