9-æм ноябрæй 16-æм ноябрмæ Хуссар Ирыстоны территорийыл æрцыд дыууæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикæйы фæндæгтыл æрцыд 5 фæндагон-транспортон цауы. Авариты фæстиуæгæн рынчындонмæ бахаудтой дыууæ адæймаджы æмæ, хъыгагæн, иу адæймаг та фæмард .
Фæндагон змæлды æдасдзинады инспекци къуырийы дæргъы сбæлвырд кодта 136 фæткхалæн цауы. Уыдонæй 3 уыдысты нозтджынæй машинæ скъæрыны цаутæ.
11 ноябры Знауыры районы Фарны хъæуы æрцыд фæндагон-транспортон цау. Знауыры районы Дзагъинайы хъæуы 26-аздзыд цæрæг, йæ автомашинæ «ВАЗ-2114»-йыл цӕугӕйӕ, фехæлдта фæндагон фæткойтæ æмæ сæмбæлд йæ ныхмæ цæуæг автомашинæ «Лада Гранта»-йыл, кæцыйы шофыр та разынд Дзагъинайы хъæуы 36-аздзыд цæрæг. Аварийы фæстиуæгæн рынчындонмæ уæззау цæфтимæ бахаудта автомашинæ «ВАЗ-2114»-ы бæлццон, Дзагъинайы хъæуы 51-аздзыд цæрæг. Дохтыртæн сæ бон нæ бацис уæззау рынчынæн баххуыс кæнын æмæ амард.
11 ноябры Цхинвалы районы Сарабукъы хъæуы æнæ-зонгæ фыдгæнæг маскæйы æмæ кардимæ балæбурдта бынæттон 89-аздзыд цæрæгмæ æмæ дзы домдта æхца. Уый фæстæ азылд хæдзары къуымты æмæ дзы ахæссинаг куы ницы ссардта, уæд алыгъд. Ӕвæстиатæй ауагъдæуыд опера-тивон-сгарæн мадзæлттæ æмæ цыбыр рæстæгмæ ахст æрцыд фыдгæнæг. Уый разынд Знауыры районы Гобозтыхъæуы 17-аздзыд цæрæг, кæцы басаст йæ фыдра-кæндыл. Йæ автомашинæ «ВАЗ-21099»-ы йын ссардтой маскæ æмæ кард дæр. Фыдгæнæг конд æрцыд рæстæгмæдарæн изоляторы.
Милицийы наркотикты ӕрзылды контроль кӕныны уп-равленийы кусджытӕ баурӕдтой горæттаг 28-аздзыд цæрæджы, кæцы æнæзаконæй спайда кодта наркотикон буарад «марихуана»-йæ. Фæткхалæджы горæт Цхинвалы тæрхондон фæивар кодта 8 мин сомы.
Горæттаг 19-аздзыд цæрæг нæ сарæхст йæ автомашинæ «BMW-528» скъæрын, фехæлдта фæндагон фæткойтæ æмæ ХИПУ-йы раз фæндагыл сæмбæлд дыууæ автомашинæйыл. Аварийы фæстиуæгæн «BMW-528»-ы бæлццон, 56-аздзыд горæттаг цæрæг, алыгъуызон цæфтимæ бахаудта рынчындонмæ.
Цхинвалы районы Дменисы хъæуы 57-аздзыд цæрæг нæ сарæхст медицинон тагъд æххуысы автомашинæ скъæрын, фехæлдта фæндагон фæткойтæ æмæ Путины уынгæй Сталины уынгмæ азилæны сæмбæлд æндæр автомашинæ «ВАЗ-21099»-ыл, кæцыйы шофыр та разынд нæ горæты 56-аздзыд цæрæг.
Горæт Цхинвалы 66-аздзыд цæрæг нæ сарæхст йæ автомашинæ «УАЗ-369» скъæрын, фехæлдта фæндагон фæткойтæ æмæ Сталины уынгæй Харебаты Исахъы уынгмæ азилæны сæмбæлд æндæр автомашинæ «Mercedes»-ыл, кæцыйы шофыр та разынд горæттаг 30-аздзыд цæрæг. «УАЗ-369»-ы шофыр медицинон басгæрстмæ нæ бакуымдта.
37-аздзыд горæттаг цæрæг нозтджынæй нæ сарæхст йæ автомашинæ «Honda Fit» скъæрын, фехæлдта фæндагон фæткойтæ æмæ сæмбæлд æндæр автомашинæ «Mazda CX-7»-ыл, кæцыйы шофыр та разынд нæ горæты 40-аздзыд цæрæг. Аварийы фæстиуæгæн «Mazda CX-7»-ы шофыр алыгъуызон цæфтимæ бахаудта рынчындонмæ.
Comments are closed, but trackbacks and pingbacks are open.