Республикæ Хуссар Ирыстоны Президент Бибылты Анатоли мæсæллæйы ныхæстæ арвыста Республикæ Арцахы Президент Араик Арутюнянмæ сомихаг адæмы геноцидыл радон азы сæххæсты тыххæй.
«Ацы бонты нæ зæрдыл лæууын кæнæм 1915 азы Османы империйы сомихæгтæй дзыллон æгъдауæй фæмардуæвджыты рухс нæмттæ.
Уырны мæ, геноцид кæй у иууыл карздæр фыдракæнд, кæцыйæн нæй срастгæнæн, бавзæргæ трагедийы национ мысынадмæ та рæстæг ницы бар дары.
Хуссар Ирыстоны адæм, кæцы 1920 азы рацыд геноциды карз трагедийыл, зоны адæймагады ныхмæ уыцы фыдракæнды тыххæй», – дзырдæуы фыстæджы.
Хуссарирыстойнаг паддзахады сæргълæууæг ма мæсæллæйы тел ар-выста Сомихстоны Республикæйы премьмер-министр Никол Пашинянмæ дæр.
***
Республикæ Хуссар Ирыстоны Президент Бибылты Анатоли мæсæллæйы тел арвыста Европарламенты эксдепутат, зынгæ италиаг æхсæнадон архайæг æмæ журналист Джульетто Кьезайы бинонтæн æмæ йе ‘ввахс хиуæттæн йæ амæлæты тыххæй.
Мæсæллæйы телы дзырдæуы:
«Зынгæ италиаг журналист, фыссæг æмæ æхсæнадон архайæг Джульетто Кьезайы амæлæты хабар Хуссар Ирыстоны райстой, куыд нæ адæмæн уæззау зиан, афтæ.
Йæ цардæй ахицæн ис Хуссар Ирыстоны æнувыд хæлар, диссаджы тыхы, бæрзонд цæсгомдзинад æмæ цæвиттойнаг профессионализмы адæймаг. Хуссар Ирыстоны æддагон политикон позицитæ хъахъхъæнын æмæ размæ кæныны хъуыддагмæ йæ хайбавæрд, æцæгæйдæр, у æнæсаргъгæнæн.
Уæ æнæбаххæстгæнгæ зианы маст дих кæнгæйæ мæсæллæйы ныхæс-тæ æрвитын Джульетто Кьезайы бинонтæн æмæ йе ‘ввахс бинонтæн.
Comments are closed, but trackbacks and pingbacks are open.