Республикæ Цæгат Ирыстон–Аланийы сæргълæууæг Битарты Вячеслав тел æрæрвыста ныфсы ныхæстимæ Президент Бибылты Анатолимæ 2008 азы августы Хуссар Ирыстоны ныхмæ Гуырдзыстоны æфсæддон агрессийыл 11 азы сæххæсты цытæн
Телы дзырдæуы:
«Цытджын Анатоли Ильяйы фырт!
2008 азы 8 август у маст æмæ хъынцъымы бон, кæцы æнустæм баззад Ирыстоны бирæнацион адæмы зæрдæты, Республикæ Хуссар Ирыстоны историйы.
11 азы рацыд Хуссар Ирыстоны сабыр цæрджыты ныхмæ гарзджын гуырдзиаг агрессийы райдианæй, фæлæ уыцы трагикон цаутæ абоны бон дæр нæ зæрдæты сты рыстдзинад æмæ мастимæ. Алы хатт дæр бузныг уыдзыстæм стыр Уæрæсейæ, республикæйы адæмæн æххуысмæ кæй æрбацыд æмæ кæй баурæдта гуырдзиаг æфсады дæлхæйтты бабырст, кæцытæ бахъавыдысты фидауынгæнджыты, сылгоймæгты, зæрæдты, сывæллæтты цардмæ, Хуссар Ирыстоны сæрибардзинад æмæ хæдбардзинадмæ. Алы хатт дæр нæ зæрдыл дардзыстæм, уыцы фондзбонон хæсты чи фæмард, йæ цард чи радта æвзонг паддзахады абоны бон æмæ фидæны тыххæй, уыдоны рухс нæмттæ, кæцы фидар æмæ ныфсджын къахдзæфтæ аразы экономикон фæрныгад æмæ дидинæфтыдмæ.
Мах демæ стæм – Хуссар Ирыстон – цин æмæ хъыджы. Уадз, æмæ 2008 азы августæй цы азтæ рацыд, кæцытæ йедзаг уыдысты хуыздæр æмæ амондджын цардмæ тырнындзинадæй, адарддæр уой бирæ азты активон, æнтыстджын куыстæй æмæ æрхæссой республикæйы алы бинонтæн дæр циндзинад, хорздзинад æмæ æнтыстытæ. Уадз, æмæ хæст фæлхатт мауал æрцæуа æмæ цыфæнды фыдбылыз дæр уæ иувæрсты цæуæд. Сабырад, хæрзæбон æмæ æнтыстытæ Хуссар Ирыстонæн».
Comments are closed, but trackbacks and pingbacks are open.