Телефоны ныхас кодтой Республикæ Хуссар Ирыстоны Президент Бибылты Анатоли æмæ Республикæ Цæгат Ирыстон-Аланийы Сæргълæууæг Битарты Вячеслав.

Ныхасы рæстæджы уынаффæ цыд коронавирусон инфекци COVID-19 парахат кæныны ныхмæ мадзæлтты тыххæй, афтæ ма æнæниздзинад хъахъхъæныны объектты, хосты æмæ хихъахъхъæнынæн фæрæзты ифтонгады фарстытыл.

Республикæ Цæгат Ирыстон-Аланийы Сæргълæууæг бахатыд Республикæ Хуссар Ирыстоны Президентмæ, цæмæй сын рæуджыты аразгæ вентиляцийы уæлæмхас аппараттæй баххуыс кæной.

«Зын рæстæджыты нæ республикæтæ кæддæриддæр æххуыс кодтой сæ кæрæдзийæн. Кæрæдзийæн ахæм æххуыс æмæ опе-ративон архайд фадат ратдзысты цыфæнды проблемæйыл дæр фæтых уæвын, йæ масштаб æмæ йæ характермæ нæ кæсгæйæ», – банысан кодта Битарты Вячеслав.

Бибылты Анатоли банысан кодта, зæгъгæ, Цæгат Ирыстонмæ æрвыст æрцæудзысты Республикæ Хуссар Ирыстоны Æнæниз-дзинад хъахъхъæныны æмæ социалон рæзты министрады резервæй рæуджыты аразгæ вентиляцийы аппараты иу хай.

Уый ма банысан кодта, зæгъгæ, Ирыстоны хуссар хайы COVID-19-æй рынчынтæ кæй нæй, æмæ рæуджыты аразгæ вентиляцийы алы уæлæмхас аппарт дæр кæй фервæзын кæндзæн адæймаджы цард, уымæ гæсгæ ахæм æххуыс у логикон æмæ нысанмæздæхт.

Рæуджыты аразгæ вентиляцийы аппаратæ Республикæ Цæгат Ирыстон-Аланимæ æрвыст æрцæудзысты æввахс рæстæджы.

Ацы æрмæджытæ дæр бакæс:

Президент баххуыс кодта инвалид сывæллæттæн Нырма раджы у æдыхст уæвынæн Æнхъæлмæ кæсын хъæуы хуыздæрмæ, æвзæрмæ та – цæттæ кæнын «Тыбылты Леонид у республикæйы куырыхондзинад, куыстхъомдзинад æмæ стабилондзинад» Химæрайст Президентмæ

Comments are closed, but trackbacks and pingbacks are open.