Бастдзинад æмæ дзыллон коммуникациты комитеты сæрдар Джиголаты Хасан радзырдта, Хуссар Ирыстоны нымæцон телеуынады хызæг аразыны фæдыл куыстытæ куыд цæуынц, уый тыххæй.
Йæ ныхæстæм гæсгæ нымæцон телеуынынады проект реализаци кæнын хаст у 2018-2019 азтæн РХИ-йы социалон-экономикон рæзтæн ахъазгæнæг Инвестицион программæмæ æмæ æххæст та цæуы дыууæ этапæй.
Фыццаг этапы арæзт цыд нымæцон телеуынынады хызæг æмæ арæзт та æрцыд фондз объекты. «Паук»-ы бæрзæндыл цы телемæсыг монтаж æрцыд, уый фæрцы горæт æмæ Цхинвалы районы хъæутæй горæтмæ хæстæг чи сты, уыдонæн сæ бон у 22 каналмæ кæсын.
Базæйон станцтæ ивгъуыд аз арæзт æрцыдысты Ленингоры райцентр æмæ Цъинагармæ хæстæг, Гуфтайы æмæ Малдайы хъæуты, Знауыры æмæ Дзауы райцентрты.
Дыккаг этапыл, ома, 2019 азы цы куыстытæ хъуамæ бакæной, уыдонмæ та æрæвнæлдтой цалдæр мæйы размæ. Базæйон станцтæ арæзт цæуынц Къуайсайы, Теделеты æмæ уый фæстæ та ахиздзысты Знауыры районы хъæутæм. Уыдон иууылдæр баиу уыдзысты, «Паук»-ы бæрзæндыл цы 70 метры бæрзæндæн телеантеннæ ис, уымæ.
Джиголаты Хасаны ныхæстæм гæсгæ æппæт уыцы куыстытæ фæуыдзысты афæдзы кæрон-мæ æмæ уый фæстæ Хуссар Ирыстон райдай-дзæн нымæцон телеæвдыстадмæ хизын. 2022 азмæ, зæгъгæ, дунейы иннæ бæстæты куыд у, афтæ æмткæй нæ телеуынынады сигнал суыдзæнис нымæцон.
Нымæцон-эфирон сигнал æнцонвадатдæр у, хæццæ кæны дæрддзæф хæххон хъæутæм дæр. Кабелон хызæгтæ æмæ спутникон оператортæй пайдагæнджытæй уæлдай нымæцон-эфирон телеуынынадмæ кæсджыты абоненты фиддонтæ фидын нæ хъæудзæнис. Нымæцон эфирон телеуынынад исынæн хъæуы дециметрон диапазоны антеннæ балхæнын. 2013 азæй фæстæмæ уагъд телевизортæн сæхи мидæг ис DVB-72 мультиплекстæ, уымæ гæсгæ уыдон нæ хъæуы антеннæтæ исыны тыххæй дециметрон антеннæ æмæ приставкæ иугæнæн кабель балхæнæн ис нæ горæты магазинты.
Не ‘мбæстæгтæй бирæтæ нæма æмбарынц, аналогон æмæ нымæцон телеуынынадæй цы хицæндзинад ис. Фыццаджыдæр, нымæцон телеалæвæрдты хорздзинад ис уый мидæг, æмæ аналогоны кæд мультиплексы пакеттæ уыд 10, уæд нымæцоны та лæвæрд цæуы 20 федералон телеканалы хæрзгъæддæрæй. Стæй ма куыд зонæм, афтæмæй электроэнерги дæттæн æмæ ретранслятортæ зæронд кæй уыдысты, уый аххосæй республикæйы дæрддзæф хъæуты цæрджытæм нæ хæццæ кодтой куыд бынæттон, афтæ Уæрæсейы телеалæвæрдтæ дæр. Ныр комитет ныфс æвæры, ацы азы кæронмæ цифрæйон телеалæвæрдты куыстытæ кæронмæ кæй ахæццæ уыдзысты æмæ республикæйы 92 процентæн сæ бон кæй уыдзæнис уыцы форматмæ ахизын.
УАЗÆГТЫ Марфа
Comments are closed, but trackbacks and pingbacks are open.