Нымæцон телеуынынады хызæг аразыны фæдыл проект хаст æрцыд 2018-2019 азтæн РХИ-йы социалон-экономикон рæзтæн ахъазгæнæг Инвестицион программæмæ æмæ реализаци цæуы дыууæ этапæй.
Фыццаг этапы, ома, 2018 азы арæзт æрцыд телеуынынады хызæгæн фондз объекты – Цхинвалы районы, Ленингоры райцентры, Цъинагары хъæумæ хæстæг, Гуфтайы хъæуы æмæ Знауыры районы Малдайы хъæуы.
Дыккаг этапы та ахæм æнгæс объекттæ æмæ базæйон станцтæ арæзт хъуамæ æрцыдаиккой го-рæт Къуайса, Знауыры райцентр æмæ Дзауы районы Теделеты хъæуы. Æмæ уый фæстæ та «Паук»-ы бæрзæнды хъуамæ монтаж æрцыдаид 70 метры бæрзæндæн антеннæ. Уый фæрцы æгас республикæйы цæрджытæн сæ бон хъуамæ уа нымæцон телеалæ-вæрдты 22 каналмæ кæсын.
Мах бахатыдыстæм Бастдзинад æмæ дзыллон коммуникациты ко-митеты хайады сæргълæууæг Чи-лæхсаты Владиславмæ ацы куыстытæ куыд цæуынц, уый базоныны тыххæй.
Уый куыд загъта, афтæмæй 2020 азæй Хуссар Ирыстон цадæггай ахиздзæн нымæцон телеалæ-вæрдмæ. 2022 азмæ та дунейы иннæ бæстæты куыд у, афтæ æмткæй нæ телеуынынады сигнал суыдзæнис нымæцон. Уымæн æмæ нымæцон эфирон сигнал æнцонвадат у, хæццæ кæны дæрддзæф хæххон хъæутæм дæр. Ис ма йæм ноджыдæр ахæм хорздзинад – кабелон хызæгтæ æмæ спутникон оператортæй чи пайда кодта нырмæ уыдоны абонентон фиддонтæ фидын нал хъæудзæнис телевизортæм кæсыны тыххæй. 2010 азæй нæ республикæйы конкретонæй цы лæвар нымæцон эфирон телеуынынады сигнал цæудзæнис, уый тыххæй хъæудзæн дециметрон диапазоны антеннæ самал кæнын. 2016 азæй фæстæмæ цы телевизортæ уадзынц, уыдонæн сæхи мидæг ис DVB-72 мультиплекстæ, уымæ гæсгæ сæ нæ хъæуы антеннæтæ æлхæнын. Нымæцон эфирон сигнал исыны тыххæй дециметрон антеннæ æмæ приставкæ иугæ-нæн кабелимæ балхæнæн ис нæхи горæты магазинты.
Чилæхсаты Владислав ма куыд зæгъы, афтæмæй нымæцон телеалæвæрдтæм ахизыны проект у национ программæ.Ныртæккæ, зæгъгæ, Уæрæсейы Федерацийы субъекты цæрджытæн сæ 90 проценты пайда кæнынц нымæцон телеуынынадæй. «Не ‘мбæстæгæй бирæтæ ‘мбарынц, уæлдайдæр та дæрддзæф хъæуты цæрджытæ, нымæцон сигналы хæрзиуджытæ æмæ фæбыцæу кæнынц, цæмæй сын ныууадзæм аналогон телеалæвæрды сигнал, ома, дам, уый æнцонвадат дæр у. Мах сын æмбарын кæнæм фыццаг мультиплексы кæд 10 программæйы уыд, уæд ныр та лæвар кæсæн уыдзæн 22 телеканалы ноджы хæрзгъæддæрæй».
Нымæцон телеуынынады ныхмæ чи у, уыдон не ‘мбарынц иуæй-иу дæрддзæф хъæутæм уæрæсейаг каналтæ æмæ бынæттон алæвæрдты сигнал кæй нæ хæццæ кодта, уымæн йæ аххосæгтæ кæй уыдысты элекроэнерги дæттæн æмæ ретранслятортæ зæронд кæй уыдысты. Нæ республикæйæн та йæ бон кæй нæ уыд хисæрмагонд тыхтæ æмæ фæрæзтæй æгас республикæйы уыцы куыстытæ бакæнын. Ныр Уæрæсейы Федерацийы иумæйаг национ программæйы руаджы зæронд ифтонгад ивд æрцыд ногæй. Паукыл цы монтажгæнæн куыстытæ кæнынц Уæрæсейæ æрцæуæг специалисттæ, уыдон ноябры кæрæттæм сæ куыстытæ ахицæн кæндзысты æмæ не ‘мбæстæгтæ æнæкъуылымпытæй нымæцон телесигнал исдзысты
Бастдзинад æмæ дзыллон коммуникациты комитеты сæрдар куыд зæгъы, афтæмæй хицæн не ‘рцæудзæн аналогон сигнал дæр, цалынмæ республикæйы цæрджытæ æмткæй нæ ахизой нымæцон сигналмæ, уæдмæ.
УАЗÆГТЫ Марфа
Comments are closed, but trackbacks and pingbacks are open.